ગોંડલમાંથી ઝડપાયું ઇ-વે બીલ કૌભાંડ સ્ટેટ GST વિભાગે હાથ ધરી કાર્યવાહી

રાજકોટમાંથી ઈ-વે બીલનું 100 કરોડનું કૌભાંડ ઝડપાયું છે. રાજકોટના ગોંડલમાંથી GST વિભાગે ઈ-વે બીલ કૌભાંડ ઝડપી પાડ્યુ છે. સ્ટેટ GST વિભાગે 19 વેપારી અને 4 ટ્રાન્સપોર્ટરોના ત્યાં કાર્યવાહી હાથ ધરી છે.

GST વિભાગે ગોંડલ રાજકોટ મોરબી મુંદ્રા સહિત રાજ્યભરમાં દરોડા પાડ્યા છે. આ દરમિયાન ગોંડલની 8 પેઢીના એક જ સ્થળના રજિસ્ટ્રેશન મળી આવ્યા હતા.

ઉલ્લેખનીય છે કે ગત સપ્ટેમ્બર માસમાં પણ નવા જી.એસ.ટી. અંતર્ગત ભાવનગરની પાંચ વેપારી પેઢીએ માત્ર ત્રણ-ચાર માસના ટૂંકા ગાળામાં જ બોગસ ઈ.વે.બીલ કાંડ આચરી રૂ. ૧૦૦ કરોડ જેટલી તોતીંગ રકમનું ટ્રાન્જેક્શન કૌભાંડ આચર્યુ હોવાનું પ્રકાશમાં આવ્યું હતું.
 

#Rajkot ઇ-વે બીલનું 100 કરોડનું કૌભાંડ રાજકોટના ગોંડલમાંથી ઝડપાયું ઇ-વે બીલ કૌભાંડ
સ્ટેટ GST વિભાગે હાથ ધરી કાર્યવાહી 19 વેપારીઓ અને 4 ટ્રાન્સપોર્ટરોને ત્યાં GSTના દરોડા
ગોંડલ રાજકોટ મોરબી મુંદ્રા સહિત રાજ્યભરમાં દરોડા ગોંડલની 8 પેઢીના એક જ સ્થળના રજિસ્ટ્રેશન pic.twitter.com/ke0JxeXCZY

— VTV Gujarati News (@VtvGujarati) November 21 2018

ત્યારે ગઇકાલે રાજ્યના GST વિભાગે ગોંડલ રાજકોટ મોરબી અને મુંદ્રા સહિત રાજ્યના વિવિધ સ્થળે દરોડા પાડવાની કામગીરી હાથ ધરી હતી.

જેમાં સ્ટેટ GST વિભાગે 19 વેપારી અને 4 ટ્રાન્સપોર્ટરોના ત્યાં દરોડા પાડતા રાજકોટ જિલ્લાના ગોંડલ તાલુકાની 8 પેઢીના કેટલાક બોગસ વ્યવહારો ઝડપાઇ આવતા સંચાલકો સામે સ્ટેટ GST વિભાગે લાલઆંખ કરી હતી અને કાયદેસરનીન કાર્યવાહી હાથ ધરી હતી.

આપને જણાવી દઇએ કે રાજ્યમાં છેલ્લા કેટલાક સમયગાળાથી કૌભાંડોની સીઝન શરૂ હોય થઇ હોય તેવું લાગી રહ્યું છે. આ પહેલા પણ અમદાવાદના વિનય શાહ નામના શખ્સે 260 કરોડનું કૌભાંડ આચરીને પરિવાર સાથે ભૂગર્ભમાં ઉતરી જતાં પોલીસ કામે લાગી છે ત્યારે આ ઘટનાના પડઘા ઓછા થયાં નથી ત્યાં રાજકોટ જિલ્લાના ગોંડલ ખાતેથી ઈ-વે બીલ કૌભાંડ રાજ્યના જીએસટી વિભાગે ઝડપી લીધું હતું.