ગુજરાતમાં રાજકારણ બેફામ બન્યુ છે.સત્તાના નશામાં ક્યારેક નેતાઓ એવુ વર્તન કરી બેસે છે,જે તેમને અને પક્ષને બંનેને શોભતું નથી.ત્યારે રાજકોટ BJPનો આવો જ એક વીડિયો વાયરલ થયો
સમગ્ર દેશ સહિત ગુજરાતમાં કોરોનાનો નવો વેરિયન્ટ ઓમિક્રોનનો કહેર વધતો જાય છે. ત્યારે ભાજપ સરકાર દ્વારા ગાઈડલાઈનનું પાલન કરવા ચુસ્ત આગ્રહ કરવામાં આવી રહ્યો છે.ત્યારે રાજકોટમાં ભાજપના નેતાઓનું અશોભનીય વર્તન જોવા મળ્યું. ભાજપના પ્રશિક્ષણ વર્ગમાં નેતાઓ ‘યે મેરા દિલ પ્યાર કા દિવાના’ગીત ઉપર ઠુમકા લગાવતા જોવા મળ્યા. આ વીડિયો બહાર આવતા જ લોકોમાં ચર્ચા શરૂ થઈ ગઈ છે કે, શુ બંધબારણે નેતાઓની મીટિંગમાં આવા નાચગાન થાય તે યોગ્ય છે.?
પ્રશિક્ષણ વર્ગમાં નેતાઓ હિન્દી ગીત ઉપર ઠુમકા લગાવતા જોવા મળ્યા
ભાજપના પ્રશિક્ષણ વર્ગમાં નેતાઓ હિન્દી ગીત ઉપર ઠુમકા લગાવતો વીડિયો બહાર આવતા જ લોકોમાં ચર્ચા શરૂ થઈ ગઈ છે કે, શું સૌથી શિસ્તબદ્ધ ગણાતી ભાજપમાં આ પ્રકારનું દુષણો પ્રવેશી ચૂક્યા છે. શું સત્તાના નશામાં નેતાઓ બંધબારણે યોજાતી મીટિંગમાં આવા નાચગાન કેટલું યોગ્ય ?
પ્રશિક્ષણ વર્ગમાં નેતાઓનું વર્તન જોઈને સૌ કોઈ આશ્ચર્યમાં મુકાયા
રાજકોટમાં ભાજપના અભ્યાસ વર્ગમાં નેતાઓએ ગીતો પર ઠુમકા લગાવીને ડાન્સ કર્યો હતો. ‘યે મેરા દિલ પ્યાર કા દિવાના’ગીત વાગતા જ નેતાઓ ઝૂમી ઉઠ્યા હતા. ત્યારે આ જશ્નમાં અનેક મહિલાઓ પણ સામેલ થઈ હતી. જે ચીચીયારીઓ પાડતી પણ દેખાઈ હતી.