viral audio / રાજકોટ: ભાજપ પૂર્વ પ્રમુખનો ભાજપને પાડી દેવાની વાતોનો કથિત ઓડિયો ફેક હોવાનો દાવો

• વાયરલ ઓડિયો અંગે પ્રદેશ કક્ષાએ રિપોર્ટ સોંપાયો
• ભળતા અવાજ સાથે કોઈએ ઓડિયો બનાવ્યાનો આક્ષેપ
• વાયરલ ઓડિયોમાં ભાજપને હરાવવાની હતી વાતચીત

રાજકોટ ભાજપના પૂર્વ પ્રમુખ ડી.કે.સખિયાના વાયરલ ઓડિયોનો મામલો ગરમાયો છે. વાયરલ ઓડિયો અંગે પ્રદેશ કક્ષાએ રિપોર્ટ સોંપાયો છે. જેમાં ભળતા અવાજ સાથે કોઇએ ઓડિયો બનાવ્યાનો આક્ષેપ કરાયો છે. વાયરલ ઓડિયોમાં ભાજપને હરાવવાની વાતચીત કરવામાં આવી રહી હતી.

રાજકોટ જિલ્લા ભાજપના પૂર્વ પ્રમુખ ડી.કે.સખિયા ભાજપને પાડી દેવાની વાતો કરી રહ્યા છે. તેમની એક કથિત ઓડિયો ક્લીપ હાલ ખુબ જ વાયરલ થઈ રહી છે. અને આ ઓડિયો ક્લીપ પણ મતદાનના દિવસે જ વાયરલ થઈ. જેના કારણે સમગ્ર રાજકોટના રાજકારણમાં ભૂકંપ આવી ગયો છે.

ડી.કે.સખિયા અને હાલ રાજકોટ ભાજપના પ્રમુખ મનસુખ ખાટરિયા ખટરાગ ચાલી રહ્યો હોવાની હવા છે ત્યારે  ખટરાગને કારણે સખિયા ભાજપને પાડવાની વાતો કરી રહ્યા છે.