ભાજપના કોર્પોરેટર વર્ષાબેન રાણપરાની ઓડિયો ક્લીપ વાયરલ થયા બાદ તેમને માફી માંગી છે.
રાજકોટ ભાજપના કોર્પોરેટરે માગી માફી
ઓડિયો ક્લીપ વાયરલ થતા માગી માફી
સ્થાનિકો સાથે કર્યું હતું ગેરવર્તન
કોર્પોરેટર વર્ષાબેન પોતાના નિવેદન બદલ રડતા-રડતા માફી માગી હતી. વર્ષાબેને મીડિયા કર્મીઓ સાથે વાતચીત કરતા કહ્યું કે, મેં તેમને દરેક વખતે બહુ જ સારી રીતે જવાબ આપ્યો હતો. પરંતુ સવારથી બપોર સુધીમાં મને 25 કોલ આવ્યા હતા. વારંવાર ફોન કરીને મને ઉશ્કેરવામાં આવી હતી.
બદનામ કરવાનું કાવતરું
મહિલા કોર્પોરેટરે વધુમાં જણાવ્યું હતું કે, આ બીજું કંઈ નથી પરંતુ મને બદનામ કરવા માટેનું એક કાવતરું જ છે. કારણ કે, હું ગત ટર્મમાં પણ ચૂંટાઈ આવી હતી અને આ ટર્મમાં પણ ચૂંટાણી જીતી છું. અમે કામ કરીએ જ છીએ નથી કરતા એવું નથી. અમે કામ કરીએ જ છીએ. તો તેમણે એવું પણ જણાવ્યું હતું કે, એ બેન જે બોલ્યા હતા એ રેકોર્ડ ઓછું કર્યું છે અને હું જે બોલી તેનું કેચઅપ વધુ કર્યું છે.
શું છે સમગ્ર મામલો
મહત્વનું છે કે વોર્ડ નં-14ના કોર્પોરેટર વર્ષાબેન રાણપરાની ઓડિયો ક્લીપ વાયરલ હતી. ભાજપના કોર્પોરેટરે વોર્ડના સ્થાનિકો સાથે ગેરવર્તન કર્યું હતું. ફોનમાં મત ના મળ્યા હોવાની ભાજપ કોર્પોરેટરે વાત કરી હતી.