રાજકોટના ધોરાજીનો ભાદર-2 ડેમ ઓવર ફ્લો થવાની તૈયારીમાં છે. જેને લઇ 37 ગામોને એલર્ટ કરી દેવામાં આવ્યાં છે. જ્યારે લોકોને નદીના પટમાં ન જવાની સૂચના આપી દેવાઇ છે અને નીચાણવાળા વિસ્તારોમાં લોકોને એલર્ટ કરી દેવામાં આવ્યાં છે.
ધોરાજી તાલુકાના 4 ગામોને એલર્ટ કરાયા છે. જેમાં ભોળા, ભોળગામડા, છાડવાવદર, સુપેડી ગામને એલર્ટ કરાયા છે. આ ઉપરાંત ઉપલેટાના 15 ગામ, કુતિયાણાના 10 ગામ અને પોરબંદરના 4 ગામને એલર્ટ કરાયા છે.
ભારે વરસાદના કારણે ડુમિયાણ, ચીખલીયા, સમઠીયાળા, ગણોદ, ભીમોરા, તલગણાં ગામને એલર્ટ કર્યા છે. ઉપરાંત નિલાખા, લાઠ, મજેઠી ગામને એલર્ટ કરી દેવાયા છે. તો માણાવદરના 4 ગામને પણ એલર્ટ કરાયા છે.
વેકરી, ચીખલોદ્રા, બીલડી, વાડાસડા ગામને એલર્ટ કરાયા છે. ઉપરાંત રોધડા, ચૌટા ,માંડવા ગામને પણ સૂચના આપી દેવાઇ છે. જ્યારે ગેરેજ, ચીકાશા, નવી બંદર, મિત્રળા ગામને પણ એલર્ટ કરી દેવાયા છે.
હવામાન વિભાગે રાજ્યભરમાં ભારે વરસાદની આગાહી કરી છે. તે પ્રમાણે સૌરાષ્ટ્રના વિસ્તારોમાં સારો વરસાદ થયો છે. રાજકોટ, જૂનાગઢ, ભાવનગર, અમરેલી સહિતના ગ્રામ્ય વિસ્તારોમાં સારો વરસાદ થયો છે. જેમાં રાજકોટ જિલ્લા અને શહેરમાં છેલ્લા 24 કલાકમાં મેઘમહેર જોવા મળી છે.
જ્યારે જામનગર શહેર અને જિલ્માંલામાં પણ સતત ધોધમાર વરસાદ વરસી રહ્યો છે. ભારે વરસાદ થતાં જામનગર જિલ્લાના 8 ડેમ ઓવરફ્લો થયા છે. પન્ના, ફોફળ-2, ઉંડ-2,3,4, રંગમતી, કંકાવતી અને વોડીસંગ ડેમ ઓવરફ્લો થયો છે.
ઉપરવાસમાં સતત વરસાદ થતા બાલંભડી, ઉમિયાસાગર, આજી-4 અને ફુલજરમાં પાણીની આવક થઈ રહી છે. જામનગરની જીવાદોરી સમા રણજિત સાગર ડેમમાં પણ પાણીની આવક થઈ રહી છે. હાલમાં ડેમમાં 3 ફૂટ નવા નીરની આવક થઈ છે. પાણીની આવક થતાં ડેમની સપાટી વધીને 20 ફૂટે પહોંચી છે.