'આંધી' / VIDEO: તમે જીવનમાં નહીં જોયું હોય આવું મચ્છરોનું ઝુંડ, રાજકોટવાસીઓ પણ થઇ ગયા ચકિત

• રાજકોટમાં મચ્છરોના ઝુંડનો વીડિયો
• બેડી હાઇવે પરનો વીડિયો વાયરલ
• ગાંડીવેલના કારણે મચ્છરોનો ઉપદ્રવ વધ્યો

રાજકોટમાં મચ્છરોના ઝુંડનો એક વીડિયો વાયરલ થઇ રહ્યો છે.બેડી હાઇવે પર મચ્છરોના ઝુંડનો વીડિયો વાયરલ થયો છે.બેડી રોડ પર ગાંડીવેલના કારણે મચ્છરોનો ઉપદ્રવ વધી રહ્યો છે.જેથી બેડી ગામ અને યાર્ડ વિસ્તારના લોકો પર જોખમ વધ્યું છે.જોકે આ મામલે અનેક ફરિયાદો બાદ પણ ગાંડીવેલનું કોઇ નિરાકરણ આવતું નથી.

રાજકોટ તંત્ર મચ્છરજન્ય રોગને અટકાવવામાં પાંગળું
ગયા વર્ષે જ્યારે બેડી નદીમાંથી ગાંડી વેલ દૂર કરવા માટે લાખો રૂપિયાના સાધન વસાવવામાં આવ્યા હતા. તે વખતે મનપા, કલેક્ટર તંત્રએ એવો દાવો કર્યો હતો કે,  ગાંડીવેલને જડમૂળથી નાબૂત કરી દેવામાં આવશે સાથે સાથે નદીમાં કેરોસીન-કેમિકલનો છંટકાવ પણ કરવામાં આવશે, જેથી ગાંડીવેલ મૂળથી દૂર થઈ જશે. જો કે આ દાવો ફરી ખોટો સાબિત થયો છે, અને ગયા વર્ષ કેમિકલનો છંટકાવ કર્યા છતાં ગાંડીવેલ ફરી ઊગી નીકળી છે. આ વેલમાં મચ્છરો ખૂબ જ મોટી માત્રામાં વસવાટ કરે છે. જેથી આસપાસના વિસ્તારોમાં મચ્છરોનો ખૂબ જ ત્રાસ છે. મચ્છરોનાં ઉપદ્રવ સામે પગલાં લેવા તંત્ર પાસે માત્ર 60 ફોગીંગ મશીન છે જેનો ઉપયોગ પણ નહિવત થઈ રહ્યો છે.

મચ્છરજન્ય બીમારી વકરશે
વાતો સ્વચ્છતાની.પરંતુ સ્માર્ટ સિટી રાજકોટ કેટલું સ્વચ્છ છે તે તો માત્ર બિમાર પડતાં લોકોના આંકડા કહી રહ્યા છે.કારણ કે, રાજકોટમાં મેલેરિયા, ડેગ્યું, ચિકન ગુનિયા સહિત મચ્છરજન્ય બિમારીઓના વધુ પ્રમાણમાં ફેલાઈ તેવી શક્યતા છે. બીમારીઓના કેસોએ તંત્રની પોલંપોલ ખુલ્લી પાડી દીધી છે.