રાજકોટઃ ફેસબુક પર ફેક આઇડીથી મહિલાઓ સાથે મિત્રતા કરી બ્લેકમેઇલ કરતા ઠગની ધરપકડ

રાજકોટઃ મહિલાઓને બ્લેકમેઇલ કરી પૈસા પડાવવાનો એક કિસ્સો સામે આવ્યો છે. જેમાં રાજકોટ પોલીસે હરદિપસિંહ વાઘેલા નામના ઠગની ધરપકડ કરી લીધી છે. આ ઠગ ફેસબુક પર ફેક આઇડી બનાવતો અને મહિલાઓ સાથે મિત્રતા કેળવતો હતો.

ત્યારબાદ મહિલાઓને પોતાની જાળમાં ફસાવીને કેટલાક આપત્તીજનક ફોટા પણ પડાવતો હતો. પછી તે બ્લેક મેઇલ કરતો અને મહિલાઓને બદનામ કરવાની ધમકી આપતો હતો. આ ઠગ મહિલાઓ પાસે ખંડણી માગવાની ધમકી આપતો હતો.

આ જાળમાં ફસાયેલ એક મહિલાએ ફરિયાદ નોંધાવી હતી. જેના આધારે સાઇબર ક્રાઇમની મદદ લઇ આરોપીનું લોકશન મેળવ્યું હતું. અંતે તેની ધરપકડ કરવામાં આવી હતી. આ આરોપીએ પોતાનો ગુનો કબુલ્યો હતો અને પોલીસ કાયદેસરની કાર્યવાહી શરૂ કરી હતી. 

હાલ તો રાજકોટની મહિલાને ન્યાય મળ્યો છે. જોકે અહીં તમામ મહિલાઓએ એક વાત એ ધ્યાનમાં રાખવી ખુબ જ જરૂરી છે. કે જો તમને પણ આવા કોઈ ગુનેગારોના ષડયંત્રમાં ફસાયા હોવ તો હવે ગભરાવાની જરૂર નથી. પોલીસ આ દિશામાં સતર્ક છે. તમે સ્થાનીક પોલીસ સ્ટેશનનો સંપર્ક સાધી શકો છો. આરોપીને સજા પણ કરાવી શકો છો. તમારી હિંમત કોઈના માટે પ્રેરણારૂપ સાબીત થઈ શકે છે.