ભય / રાજકોટમાં અસામાજિક તત્વોનો વધી રહ્યો છે આતંક, પોલીસ પર ઉઠી રહ્યાં છે અનેક સવાલ

• રાજકોટમાં છેલ્લા 3 દિવસથી બે ગેંગ વચ્ચે ગેંગવોર
• ભરત ફુગાશીયા અને કાસમની ગેંગ વચ્ચે વિવાદ
• કારની તોડફોડ કરતો વીડિયો કર્યો વાયરલ 

રાજકોટમાં અસામાજિક તત્વોનો આતંક દિવસે દિવસે વધી રહ્યો છે. શહેરમાં છેલ્લા 3 દિવસથી બે ગેંગ વચ્ચે માથાકૂટ ચાલી રહી છે. ભરત ફુગાશીયા અને કાસમની ગેંગ વચ્ચે વિવાદ થતા લોકોમાં ભય ફેલાયો છે.

શહેરમાં કાસમની ગેંગના સભ્યોએ ભરત ફુગાશીયાની ઓફિસ સળગાવ્યા બાદ વિવાદ શરૂ થયો. ઓફિસમાં આગ અને કારમાં તોડફોડ કરી હોવાના વીડિયો પણ સામે આવ્યા હતા. બેં ગેંગના વોર વચ્ચે પોલીસ માત્ર મુકપ્રેક્ષક બનીને જોઈ રહી હોય તેવું લાગી રહ્યું છે. 

સળગતા સવાલ

• રાજકોટમાં 3 દિવસથી ગેંગવોર છતાં પોલીસ શું કરી રહી છે?
• પોલીસ ગેંગવોરને ડામવા માટે શું કરશે?
• શું પોલીસનો કોઇને ડર લાગતો નથી?
• શું પોલીસ આવા લોકો સામે કાર્યવાહી કરશે?
• ઓફિસ સળગાવી દીધી ત્યાં સુધી પોલીસ શું કરતી હતી?
• વીડિયો વાયરલ થઇ રહ્યો છે છતાં પોલીસ શું કરે છે?