ગુજરાત સહિત વિશ્વ આખુ કોરોનાની મહામારી સામે લડાઈ લડી રહ્યું છે ત્યારે રાજકોટમાં એક એવી ઘટના સામે આવી છે કે જાણીને તમે પણ શોક થઈ જશો. દારૂની મહેફિલ અને એય મંદિરમાં? તો આ એકદમ સાચી વાત છે. જુઓ વીડિયોમાં ભગવાનના દરબારમાં નિર્લજ લોકો દારૂની મહેફિલ જમાવી છે પરંતુ કેમેરાની તીસરી આંખમાં તેઓ કેદ થઈ ગયા છે.
રાજકોટમાં મંદિરમાં દારુની મહેફિલ
મંદિરમાં દારુની મેહેફીલના CCTV આવ્યા સામે
150 ફૂટ રિંગ રોડ પર મંદિરમાં દારુની મહેફીલ
ગુજરાતમાં દારૂબંધી છે. અને હાલ તો કોરોનાની મહામારી ચાલી રહી છે. મંદિરમાં દર્શન માટે પણ ગાઈડલાઈન જાહેર કરવામાં આવી રહી છે ત્યારે ભગવાનના પવિત્ર મંદિરમાં મદિરાની મહેફિલની ઘટના સામે આવી છે.
રાજકોટમાં મંદિરમાં દારૂની મહેફિલ માણતા લોકો નજરે પડ્યા હતા. આ ઘટનાનો વીડિયો વાયરલ થતા સમગ્ર ઘટના સામે આવી છે. 150 ફૂટ રિંગરોડ પર મંદિરમાં દારૂની મહેફિલ ઘટના CCTVમાં કેદ થઈ ગઈ છે. 3 લોકો દારુની મહેફિલ માણતા CCTV નજરે પડ્યા હતા. ઘટનાને લઈને હજુ સુધી કોઈ પોલીસ ફરિયાદ નથી થઈ. ઘટના સામે સ્થાનિકોમાં રોષ જોવા મળી રહ્યો છે.