રાજકોટના 17માં રાજવી તરીકે યુવરાજ માંધાતાસિંહ જાડેજાની રાજવી ઠાઠથી રાજ તિલક વિધિનો મહોત્સવ ચાલી રહ્યો છે. આ મહોત્સવનું 30 જાન્યુઆરીએ સમાપન થશે. ચાર દિવસ દરમિયાન અનેકવિધ કાર્યક્રમોનું આયોજન કરવામાં આવ્યું છે. ત્યારે પરંપરાગત વસ્ત્રોમાં 2500 રાજપૂત બહેનોએ તલવાર રાસ રમીને વિશ્વવિક્રમ સર્જયો છે.
રાજકોટના 17માં ઠાકોર સાહેબની રાજતિલક વિધી
ડ્રોન કેમેરાથી તલવાર રાસના દ્રશ્યનો અલભ્ય નજારો
ગિનીસ બુક ઓફ વર્લ્ડ રેકોર્ડમાં નોંધાયુ નામ
રાજકોટમાં માંધાતાસિંહના રાજતિલક વિધિ નિમિતે તલવાર રાસનું આયોજન કરાયું હતું. 2500 જેટલી રાજપૂત દીકરીઓએ તલવાર રાસ રમીને વિશ્વ વિક્રમ સર્જ્યો છે. 9 મિનિટ 49 સેકન્ડ સુધી રાજપૂત બહેનો તલવાર રાસ રમી હતી. પરંપરાગત વસ્ત્રોમાં સજ્જ થઈને 2500 રાજપૂત બહેનો તલવાર રાસ રમી હતી. તલવાર રાસને ગિનીસ બુકમાં સ્થાન મળ્યું છે. ત્યારે જુઓ તલવાર રાસના આકાશી દ્રશ્યો...
મહત્વનું છે કે, રાજકોટના રાજવીનો રણજીત વિલાસ પેલેસનો અંદરનો નજારો અલગ જ છે. પેલેસને સુંદર રીતે સજાવવામાં આવ્યું છે. રાજકોટના રાજવીની તિલકવિધીના કાર્યક્રમ પહેલા ચાંદીની બગીમાં બેસી રાજવી માંધાતાસિંહ નગરયાત્રાએ નિકળવાના છે. 8 બગી, 25 વિન્ટેજ કારના કાફલા સાથે નગરયાત્રામાં નિકળવાના છે. 15 ઘોડા, 1 હાથી, ઊંટ ગાડીઓ સાથે નગરયાત્રા નિકળી છે. ગોંડલ, જામનગર, ભાવનગર સ્ટેટની વિન્ટેજ કાર આકર્ષણનું કેન્દ્ર બની છે. તેને જોવા લોકો ઊમટી રહ્યા છે.