SHORT & SIMPLE / કોની બેદરકારી? રાજકોટમાં ભૂગર્ભ ગટરની સફાઇ દરમ્યાન બે સફાઇકર્મીઓના મોત, કારણ ગેસ ગળતર

• રાજકોટમાં બે સફાઇ કર્મચારીના મોત
• ભૂગર્ભ ગટરમાં સફાઇ કરવા ઉતરેલા કર્મચારીઓના મોત
• ગેસ ગળતરની અસર થતાં બંનેનું થયું મોત

ગટરમાં સફાઈ કરવા ઉતરેલા કર્મચારીઓનાં મોતનો વધુ એક મામલો સામે આવ્યો છે. ગુજરાતનાં રંગીલા રાજકોટમાં ફરી એકવાર દુ:ખદ ઘટના બની છે. ભૂગર્ભમાં સફાઈ કરવા ઉતરેલા  બે સફાઇ કર્મચારીઓનું કરુણ મોત થયું છે.

2 કર્મચારીઓનું મોત
રાજકોટમાં આવેલા મવડી ફાયર સ્ટેશન નજીકની આ ઘટના બની છે. ભૂગર્ભ ગટરમાં સફાઇ કરવા ઉતરેલા કર્મચારીઓને ગેસ ગળતરની ગંભીર અસર થતાં 2નું કરુણ મોત સર્જાયું છે.

છેલ્લાં 2 વર્ષોમાં 11 સફાઈ કર્મચારીઓનું મોત
ગુજરાત વિધાનસભામાં કોંગ્રેસનાં ધારાસભ્ય ઈમરાન ખેડાવાલા દ્વારા એક રિપોર્ટ રજૂ કરવામાં આવ્યો હતો જેમાં તેમણે પૂછ્યું કે ગુજરાત રાજ્યમાં છેલ્લા 2 વર્ષોમાં ગટર સફાઈ કરવા ઉતરેલા કેટલા સફાઈ કર્મચારીઓનું મોત થયું છે? સત્તાપક્ષ તરફથી તેના ઉત્તરમાં જણાવવામાં આવ્યું કે છેલ્લાં 2 વર્ષમાં 11 જેટલા સફાઈ કર્મચારીઓનું મોત થયું છે જેમાં રાજ્ય સરકારે 50 લાખ રૂપિયાની સહાય પણ ફાળવી છે. વધારે ઊંડાણમાં માહિતી આપતાં સત્તાપક્ષે જણાવ્યું કે વર્ષ 2021માં કુલ 7 કર્મચારીઓનું મોત થયું છે જેમાનાં 5 કર્મચારીનાં પરિવારને સહાયપેટે 50 લાખ ચૂકવવામાં આવ્યાં હતાં. એક પરિવારને 10 લાખ ચૂકવવામાં આવ્યાં હતાં. તો 2022ની સાલમાં કુલ 4 સફાઈકામદારોનું મોત સર્જાયું છે જેમાનાં એકપણ કર્મચારીને સહાય નથી ફાળવવામાં આવી.