રાજ્યમાં 108ને લઇને વારંવાર આંગળી ચીંધવામાં આવતી હોય છે. તેના કાર્યનો લઇને સવાલ ઉઠતાં હોય છે. પરંતુ રાજકોટના જસદણ ખાતેનો આ કિસ્સો માનવતા દર્શાવતો જોવા મળ્યો. જેમાં પ્રસૂતાએ બાળકીને જન્મ આપ્યાં બાદ સ્થિતિ નાજૂક સમયે 108ના કર્મચારીઓએ એવું કામ કર્યું બાળકીનો જીવ બચી ગયો.
108ના કર્મચારીઓએ બાળકીનો બચાવ્યો જીવ
નવજાત બાળકીના ધબકારાઓ કર્યા ચાલુ
માતા-બાળકી રાજકોટ ખાતે તબીબોની સારવાર હેઠળ
રાજકોટના જસદણ ખાતે 108ને ભંડારિયા ખાતે મહિલાને પ્રસૂતિની પીડા ઉપડી હોય તેનો કોલ આવતા તાત્કાલિક હોસ્પિટલ લઇ જવી પડશે તેમ જણાવાયું. થોડ સમયના અંતરે અમે સ્થળે પહોંચ્યાં ત્યારે મહિલાએ બાળકીને જન્મ આપી દીધો હતો.
જો 108ના કર્મચારીઓ દ્વારા માતા-બાળકીને સારવાર ચેક કરતાં બાળકીના શ્વાસ બંધ હોય હલન-ચલન પણ કરતી નહોતી. જો કે કર્મચારીઓ દ્વારા હિંમત હાર્યા વગર માતા-પૂત્રીને 108ના વાહન દ્વારા રાજકોટ હોસ્પિટલ લઇને જવા અંગે વિચાર્યું.
અંદાજે 30 કીમી જેટલા અંતરમાં 108ના કર્મચારીઓની પ્રાથમિકતા બાળકીના શ્વાસોશ્વાસની પ્રક્રિયા ચાલુ કરવાની હતી. જેને લઇને કર્મચારીઓએ બાળકીને બે આંગળીઓ દ્વારા કાર્ડિયો પલ્મોનરી રિસક્રિસટેશન આપવાનું શરૂ કર્યું તેમજ અંબુ બેગની મદદથી મોઢામાં ઓક્સિજન આપવાનું ચાલુ કર્યું.
જેને લઇને રાજકોટ ખાતે પહોંચતા સુધીમાં બાળકીના ધબકાર અને શ્વોસોશ્વાસ ચાલુ થઇ ગયા. બાકીના ધબકારા શરૂ થતાં માતા-પિતા જે હતાશામાં જતા રહ્યાં હતા તેના મુખ પર હાસ્ય જોવા મળ્યું અને આંખોમાંથી હરખના આંસૂ છલકાઇ ગયાં. આમ હાલ બાળકી તેમજ માતા રાજકોટની સિવિલ હોસ્પિટલમાં આવેલી ચિલ્ડ્રન હોસ્પિટલમાં તબીબોની સારવાર હેઠળ છે.