કાર્યવાહી થશે? / વન્યજીવ નિષ્ણાત બોલ્યાં, સિંહોના ખોટા વીડિયો મામલે રાજીવ ગુપ્તાને પદમુક્ત કરો તો નિવૃત્ત જજ બોલ્યા કાર્યવાહી થઈ શકે

• આફ્રિકન સિંહોના વાઈરલ વીડિયો પર નિવૃત જજનું નિવેદન
• સરકાર ઈચ્છે તો આવા અધિકારીઓ વિરુદ્ધ ખાતાકીય પગલા લઈ શકાય
• વન્યજીવ નિષ્ણાંત મયંક ભટ્ટે કહ્યું કે, આવા અધિકારીઓને પદભ્રષ્ટ કરવા જોઈએ

નિવૃત એડિ. ડિસ્ટ્રિક્ટ જજ જયદેવ ધાંધલે આ અંગે કાયદાકીય માહિતી આપી કે, જ્યારે 18 જેટલા સિંહો ગાયબ તેવી માહિતી ફેલાઈ. તો તુરંત વન વિભાગ દ્વારા તેના પર પ્રેસનોટ જાહેર કરીને જાણ કરી હતી. અને કોઈ સિંહ ગાયબ ન હોવાની માહિતી આપી હતી. આ બાદ તુરંત સોશિયલ મીડિયામાંથી એક વીડિયો કોપી કરી અને ઈરાદાપૂર્વક સિંહોનો વીડિયો વાયરલ કરાયો છે. નિવૃત જજે એમ પણ કહ્યું કે, સરકાર પાસે આવા અધિકારીઓ વિરુદ્ધ ખાતાકીય પગલા લેવાના અધિકાર છે. પરંતુ લેવાશે કે, નહીં

વન્યજીવ નિષ્ણાંત મયંક ભટ્ટેનું નિવેદન

આફ્રિકાનો વીડિયો વાયરલ કરવા બદલ વન્યજીવ નિષ્ણાંત મયંક ભટ્ટે કહ્યું કે, આવા અનેક ભૂલ ભરેલા કિસ્સાઓ પહેલા પણ થયેલા છે. અને હજુ પણ જે 18 સિંહો ગાયબ હોવાની વાત પર આધિકારીક ખુલાસો આવ્યો નથી. ત્યારે અમારા જેવા વનપ્રેમીઓની માગણી છે કે, રાજીવ ગુપ્તા જે વન્યવિભાગનો પદભાર સંભાળે છે. તેમને આ પદભારમાંથી મુકત કરવા જોઈએ. કારણ કે, આ વીડિયો સોશિયલ મીડિયામાં પોસ્ટ કરીને તેમને પુરવાર કર્યું છે કે, વનવિભાગ વિશે કોઈપણ માહિતી હોય તેવું લાગતું નથી. 

અધિકારીને જ ગીર અને આફ્રિકાનો ફરક નથી ખબર? કે પછી જાણી જોઈને લોકોને ગેરમાર્ગે દોર્યાં? 

થોડાક જ દિવસ પહેલા ગુજરાત પર વાવાઝોડું ત્રાટક્યું હતું, રાજ્યમાં વાવાઝોડાના કારણે ગીરના સિંહોને લઈને ચિંતા ઊભી થઈ હતી જે બાદ એવી અફવા પણ ફેલાઈ હતી કે ગીરના જંગલમાંથી કેટલાક સિંહ બહાર નીકળી ગયા છે જોકે તે બાદ વન વિભાગ દ્વારા સ્પષ્ટતા કરવામાં આવી કે સિંહ સુરક્ષિત છે. જોકે વાહવાહી લૂંટવાની ઉતાવળમાં ગુજરાતના જાણીતા અધિકારી જે સરકારની ખૂબ નજીકના ગણાય છે તેમણે ફેક વીડિયો શેર કર્યો. 

જે અધિકારીના માથે સિંહના સંરક્ષણની જવાબદારી, એ જ ફેલાવે છે ફેક ન્યૂઝ : રાજીવ ગુપ્તાએ ગીરના નામે ગઇકાલે શેર કરેલો સિંહોનો વીડિયો 13 ફેબ્રુઆરીનો આફ્રિકાનો નીકળ્યો, VTVએ અહેવાલ રજૂ કરતાં જ વીડિયો ડિલીટ કરી દીધો@CMOGuj @vijayrupanibjp @PMOIndia @PrakashJavdekar #gir pic.twitter.com/nYKUL5SKkq

— VTV Gujarati News and Beyond (@VtvGujarati) May 21, 2021

પ્રજાની સાથે સરકારને પણ ગેરમાર્ગે દોરી!

 

 

 

 

View this post on Instagram

 

 

 

 

 

 

 

 

 

 

 

A post shared by MalaMala Game Reserve (@malamalagamereserve)

ગુજરાત રાજ્યના વન તથા પર્યાવરણ મંત્રાલયના એડિશનલ સેક્રેટરી રાજીવ ગુપ્તાએ ગીરના સાવજો સુરક્ષિત છે તે દર્શાવતું એક ટ્વીટ કર્યુ અને દાવા સાથે કહ્યું કે ગીરના આકોલવાડી રેન્જનો આ ખૂબ જ દુર્લભ વીડિયો સામે આવ્યો છે. તેમના ટ્વિટ બાદ કેન્દ્ર સરકારના મંત્રી પ્રકાશ જાવડેકરે પણ તેમણે પીઠ થાબડી પરંતુ કદાચ રાજીવ ગુપ્તાને કદાચ ખ્યાલ ન હતો કે સોશ્યલ મીડિયા એ ખૂબ જ નાની દુનિયા સમાન છે, અને તેમની ચોરી પકડાઈ ગઈ. ગણતરીના કલાકોમાં જ સામે આવ્યું કે આફ્રિકાનો વીડિયો ગીરનો બતાવીને હીરો બનતા રાજીવ ગુપ્તા ખોટા છે અને તેમનો વીડિયો પણ ખોટો છે. તેમણે શેર કરેલો વીડિયો તો ફેબ્રુઆરી મહિનામાં જ સોશ્યલ મીડિયામાં આફ્રિકાના જંગલ દ્વારા શેર કરી દેવામાં આવ્યો હતો. 

આ રીતે જ વહીવટ ચલાવે છે રાજીવ ગુપ્તા? 

રાજીવ ગુપ્તા જેમના શિરે જ વન વિભાગનું કામ નિર્ભર કરે છે જો તેમને જ ગીર અને આફ્રિકાના સિંહ વચ્ચેનો ફરક નથી ખબર તો સવાલ થાય છે કે તે કયા પ્રકારનો વહીવટ ગુજરાતના વન્ય પ્રાણીઓ માટે કરતાં હશે. સરકારની સામે સારા બનવા માટે રાજીવ ગુપ્તાએ લોકોને ગેરમાર્ગે દોર્યાં હોવાનું મનાઈ રહ્યું છે. 

ગીરના સિંહોની વાસ્તવિક સ્થિતિ પર ઉઠી રહ્યા છે ગંભીર સવાલ 

રાજીવ ગુપ્તાના આ ટ્વિટથી ન માત્ર ગુજરાતની જનતા પણ સાથે કેન્દ્રીય મંત્રી પણ ગેરમાર્ગે દોરાયા છે ત્યારે ગીરના જંગલમાં રહેતા સિંહોની સ્થિતિ વિષે પણ ગંભીર સવાલ ઊભા થયા છે. ગુજરાતની પ્રજાને ગેરમાર્ગે દોરવા માટે આફ્રિકાનો વીડિયો બતાવીને ગીરની વાસ્તવિકતા છુપાવવામાં આવી રહી હોવાની આશંકા પણ છે. આ વિવાદ બાદ હવે જંગલમાં સિંહની સાચી સ્થિતિ શું છે તેના પર સરકારે હજુ સુધી કોઈ સ્પષ્ટતા કરી નથી. 

પાછળથી વીડિયો ડિલીટ કરીને આપી સ્પષ્ટતા 

VTV News પર અહેવાલ પ્રાસરિત થતાં જ રાજીવ ગુપ્તાએ સ્પષ્ટતા કરતાં કહ્યું કે વીડિયો તેમને વનવિભાગના અધિકારીએ ઉપલબ્ધ કરાવ્યો હતો. જેમાં તેમણે ટ્વિટ કરીને શ્યામલ ટીકેદારનું માફીનામું પણ રજૂ કર્યુ ત્યારે સોશ્યલ મીડિયા યુઝર્સ કહી રહ્યા છે કે રાજીવ ગુપ્તા પોતાની જવાબદારીમાંથી ખસી રહ્યા છે. શું ઉચ્ચ અધિકારી તરીકે રાજીવ ગુપ્તાએ પોતાની ગંભીરતા અને જવાબદારી સમજતા સરકાર સુધી આ વીડિયો પહોંચાડતા પહેલા તેની ખરાઈ ન કરવી જોઈએ? 
 

It is regretted that a wrong video was posted along with statement of Lion safety in Gir landscape.PCCF(Wild Life)Sh Shyamal Tikadar has apologised for his lapse & indiscretion.Inconvenience &confusion caused is sincerely regretted with an assurance for double caution in future. pic.twitter.com/ibs6n31LCU

— Dr Rajiv Kumar Gupta (@drrajivguptaias) May 21, 2021