વેક્સીન / દેશના દિગ્ગજ ઉદ્યોગપતિનું ચોંકાવનારુ નિવેદન, 'ત્યાં સુધી કોરોનાની રસી નહીં લઉં જ્યાં સુધી...'

• કોરોના વાયરસની વેક્સીન મુદ્દે રાજીવ બજાજનું ચોંકાવનારૂ નિવેદન 
• સરકાર ફરજીયાત નહીં કરે તો નહીં લઉં વેક્સીન : બજાજ 
• યુવાનોને કોરોનાનો ડર ત્યાગવા રાજીવ બજાજનું આહ્વાહન     

હું વેક્સીન નહીં લઉં : બજાજ 

દેશમાં ટૂ વ્હીલરની સૌથી મોટી કંપનીના એમડી રાજીવ બજાજે કહ્યું છે કે તે અન્ય લોકોની જેમ કોરોના વાયરસની રાહ નથી જોઈ રહ્યા. તેમણે કહ્યું કે જો સરકાર આ વેક્સીનને ફરજીયાત નથી બનવાતી તો રસી નહીં લઉં. 

હોમિયોપેથી, યોગ પર વધારે ભરોસો 

એક ચેનલ પર વાતચીતમાં તેમણે કહ્યું કે 'જે વેક્સીન નવી છે અને જેને ઉતાવળમાં બનાવવામાં આવી છે તે છેલ્લી વસ્તુ હશે જે હું લઈશ.' તેમણે સાથે જ કહ્યું કે હોમિયોપેથી, યોગ પર તેમને વધારે ભરોસો છે અને તે સોશ્યલ ડીસ્ટન્સનું પાલન કરશે. 

લોકડાઉનની જગ્યાએ લોકોને કામ કરવા દેવું જોઈએ : બજાજ 

બજાજે સાથે જ દેશના સ્વસ્થ અને યુવાનોને આહ્વાહન કર્યું કે તે કોરોના વાયરસનો ભય છોડે. તેમણે સાથે કહ્યું કે અલગ અલગ જગ્યાઓ પર લોકડાઉન કરવાની જગ્યાએ સરકારે 20થી 60 વર્ષના લોકોને કામ કરવા દેવું જોઈએ. 

નોંધનીય છે કે આજે ભારતમાં રેકોર્ડબ્રેક 55 હજારથી પણ વધારે કેસ સામે આવ્યા છે અને કુલ આંક 16 લાખને પણ પાર થઇ ગયો છે. દેશમાં અત્યાર સુધી 35 હજારથી પણ વધારે લોકોએ કોરોના વાયરસના કારણે પોતાનો જીવ ગુમાવ્યો છે.