મનોરંજન / Jailer નાં અવતારમાં દેખાશે રજનીકાંત! ફર્સ્ટ લુક જોઈને કહેશો, શું લાગે છે બોસ

• લોકો રજનીકાંતની ફિલ્મોની આતુરતાથી રાહ જોઈ રહ્યા હોય છે
• રજનીકાંતની આવનારી ફિલ્મનો ફર્સ્ટ લુક સામે આવ્યો 

રજનીકાંત એક એવા અભિનેતા છે જેની એક્ટિંગનું જાદુ આજે પણ ઇન્ડસ્ટ્રીમાં ચાલે છે અને લોકો તેને ફિલ્મની રાહ જુએ છે. એક્ટરની ઉંમર ગમે એટલી મોટી હોય પણ દરેક અભિનેત્રી તેની સાથે કામ કરવા માંગે છે અને તેની ફિલ્મમાં લીડ રોલમાં નજર આવવા માંગે છે. સાથે જ લોકો પણ રજનીકાંતની ફિલ્મોની રાહ જોઈ રહ્યા હોય છે. ફેબ્રુઆરીમાં રજનીકાંતની આવનારી ફિલ્મ વિશે જાહેરાત કરવામાં આવી હતી અને હાલ એ જ ફિલ્મનો ફર્સ્ટ લુક સામે આવ્યો છે. 

ફર્સ્ટલુક 
એ સમયે ફિલ્મનું નામ બહાર પાડવામાં નહતું આવ્યું પણ જૂન મહિનમાં એ ફિલ્મનું નામ 'જેલર' બહાર પાડવામાં આવ્યું હતું. હાલ એ ફિલ્મમાં રજનીકાંતનો ફર્સ્ટલુક બહાર પાડવામાં આવ્યો છે. જે સોશ્યલ મીડિયા પર ખુબ જ વાયરલ થઇ રહ્યો છે અને લોકોને રજનીકાંતનો એ લુક ઘણો પસંદ આવી રહ્યો છે. 

#Jailer begins his action Today!@rajinikanth @Nelsondilpkumar @anirudhofficial pic.twitter.com/6eTq1YKPPA

— Sun Pictures (@sunpictures) August 22, 2022

રજનીકાંતની આવનારી ફિલ્મ 
રજનીકાંતની આગામી ફિલ્મ 'જેલર'ને લઈને હાલ ઘણી ચર્ચા ચાલી રહી છે. ફિલ્મ 'જેલર' 'બીસ્ટ' ફેમ ડાયરેક્ટર નેલ્સન દિલીપકુમાર બનાવી રહ્યા છે. જો કે નેલ્સન દિલીપકુમારની આ પહેલા રિલીઝ થયેલી ફિલ્મ 'બીસ્ટ' બહુ સારું પ્રદર્શન કરી શકી નહતી. આ છતાં પણ સુપરસ્ટાર રજનીકાંતે નેલ્સન દિલીપકુમારમાં વિશ્વાસ રાખીને તેમની આગામી ફિલ્મ જેલરમાં તેની સાથે કામ કરે છે. આ ફિલ્મ માટે રજનીકાંત સામેની અભિનેત્રીનું નામ હજુ ફાઇનલ કરવામાં આવ્યું નથી. જો કે હાલ એવી ચર્ચા છે કે સુપરસ્ટાર રજનીકાંત સાથે આ ફિલ્મ જેલરમાં રજનીકાંત સાથે હિરોઈન દેખાશે તેને ફાઇનલ કરી લીધી છે.

આ હશે અભિનેત્રી 
એક મીડિયા રિપોર્ટ્સ અનુસાર ફિલ્મ 'જેલર' માં અભિનેત્રી તમન્ના ભાટિયા સુપરસ્ટાર રજનીકાંત સામે લીડ રોલમાં રહી શકે છે. જો કે હજુ સુધી આ વાતની સત્તાવાર જાહેરાત કરવામાં આવી નથી. પરંતુ મીડિયા રિપોર્ટ અનુસાર આ વાતે જોર પકડયું છે કે ફિલ્મમાં સુપરસ્ટાર રજનીકાંતની સાથે અભિનેત્રી તમન્ના ભાટિયા લીડ રોલમાં જોવા મળશે. તમને જણાવી દઈએ કે આ ફિલ્મનું શૂટિંગ હૈદરાબાદમાં મોટા પાયે શરૂ થઈ ગયું છે.

#NewProfilePic #Jailer #Rajinikanth

ITS BEEN 47 YEARS!
BUT THE RAGE🔥 NEVER ENDS! pic.twitter.com/YK9q5vpFeI

— Rajini☆Followers (@RajiniFollowers) August 22, 2022

સાથે આ કલાકાર પણ આવશે નજર 
રજનીકાંત અને તમન્ના જ નહીં પણ બાહુબલી ફેમ અભિનેત્રી રામ્યા કૃષ્ણન આ રજનીકાંતની આ ફિલ્મમાં જોવા મળશે. આ વાતની પુષ્ટિ અભિનેત્રી રામ્યા કૃષ્ણને પોતે જ કરી હતી. અભિનેત્રીએ જણાવ્યું હતું કે તે 10 ઓગસ્ટથી ફિલ્મ જેલરનું શૂટિંગ શરૂ કરશે. રામ્યા કૃષ્ણને પ્રભાસ સ્ટારર 'બાહુબલી'માં શિવગામીનું પાત્ર ભજવીને દરેક લોકોનું દિલ જીતી લીધું હતું. આ સિવાય રામ્યા કૃષ્ણન ટૂંક સમયમાં જ ફિલ્મ 'લાઈગર'માં પણ જોવા મળશે. આ ફિલ્મમાં અભિનેત્રીએ વિજય દેવરાકોંડાની માતાની ભૂમિકા ભજવટી નજર આવશે. ફિલ્મ લાઈગર 25 ઓગસ્ટે રિલીઝ થવા જઈ રહી છે.