સન્માન / 'થલાઇવા' એટલે કે રજનીકાંતને સરકાર આપશે આઇકૉન એવોર્ડ

પ્રકાશ જાવડેકરે કહ્યુ કે, એક્ટરને ફિલ્મ ફેસ્ટિવલમાં 'આઇકૉન ઑફ ધ ગુલ્ડન જુબલી એવોર્ડ' થી સન્માનિત કરવામાં આવશે. રજનીકાંતને આ પુરસ્કાર સિનેમામાં અનેક અભૂતપૂર્વ યોગદાન કરવા માટે આપવામાં આવી રહ્યો છે. 

In recognition of his outstanding contribution to #IndianCinema Legendary Actor @rajinikanth to be conferred with special Icon Award on the occasion of Golden jubilee of @IFFIGoa: Union Minister @PrakashJavdekar #IFFI2019 #IFFIGoa50 #IFFIGoa pic.twitter.com/UwwUSFbnx1

— PIB India (@PIB_India) November 2, 2019

આ એવોર્ડની જાહેરાત પછી રજનીકાંતે ભારત સરકારનો આભાર વ્યકત કરતા પોતાના ઑફિશ્યલ એકાઉન્ટ પરથી ટ્વીટ કર્યુ. રજનીકાંતે ટ્વીટ કર્યુ કે, ''ભારતના આંતરરાષ્ટ્રીય ફિલ્મ સમારોહની સ્વર્ણ જંયતી પર મને આપવામાં આવેલા પ્રતિષ્ઠિત સન્માન માટે ભારત સરકારનો આભાર વ્યક્ત કરું છું.''

આ સિવાય સોશ્યલ મીડિયા પર યૂઝર્સે પોતાના ફેવરિટ સ્ટારને એવોર્ડ આપવાની જાણકારી પછી ખુશી વ્યક્ત કરી છે. ફેન્સે રજનીકાંતના ટ્વીટ પર કોમેન્ટ કરતા પુરસ્કારની શુભકામનાઓ આપી છે. એટલું જ નહી ખુશી વ્યકત કરતા એટલા ટ્વીટ કરવામાં આવ્યા છે કે ટ્વિટર પર રજનીકાંતને એવોર્ડ મળવાના ટૉપિક ટૉપ ટ્રેન્ડિંગ લિસ્ટમાં શામેલ થઇ ગયો છે. 

I thank the government of India for this prestigious honour bestowed upon me on the golden jubilee of the International film festival of India 🙏🏻#IFFI2019

— Rajinikanth (@rajinikanth) November 2, 2019

તમને જણાવી દઇએ કે, આ ફિલ્મ ફેસ્ટિવલ 20 નવેમ્બર થી 28 નવેમ્બર સુધી આયોજિત કરવામા આવશે. ફેસ્ટિવલમાં દેખાડવામાં આવનારી ફિલ્મોથી જોડાયેલી જાણકારી સત્તાવાર વેબસાઇટ પર રજૂ કરવામાં આવી છે.