કોરોના વાયરસથી દુનિયાભરના લોકો ભારે મુશ્કેલીમાં મૂકાઇ ગયા છે. લોકોને સલાહ આપવામાં આવી રહી છે કે તેઓ પોતાના ઘરમાંથી બહાર ના નીકળે.
કોરોનાને કારણે ઘણા લોકોની રોજી રોટી પર પણ અસર પડી રહી છે. ખાસ કરીને મજૂર વર્ગને ખૂબ જ મુશ્કેલીનો સામનો કરવો પડી રહ્યો છે, જોકે સરકાર આ માટે કામ કરી રહી છે અને ધીમે ધીમે સેલિબ્રેટીઝ પણ આગળ આવી રહ્યા છે.
Actor Rajinikanth has donated Rs 50 lakhs to Film Employees Federation of South India Union workers who are facing shutdown due to #Coronavirus outbreak. (file pic) pic.twitter.com/be4zjq4BCf
સુપરસ્ટાર રજનીકાંતે ‘ફેડરેશન ઓફ સાઉથ ઈન્ડિયન યુનિયન વર્કર્સ’ને 50 લાખ રૂપિયાનું દાન આપવાની જાહેરાત કરી છે. દેશમાં કોરોના વાઈરસના રોગચાળાને કારણે બોલિવૂડ ઉપરાંત સાઉથ ઈન્ડિયન ફિલ્મ ઈન્ડસ્ટ્રી પણ ઠપ્પ થઈ ગઈ છે અને અત્યારે કમ્પ્લિટ લોકડાઉનની સ્થિતિમાં છે. તમામ ફિલ્મો, ટીવી શો, વેબસિરીઝ વગેરેનું શૂટિંગ બંધ થઈ ગયું છે. આને કારણે ડેઈલી વેજિસ એટલે કે રોજમદારી પર જીવતા કામદારો અત્યંત કફોડી સ્થિતિમાં આવી ગયા છે. તેમની મદદ કરવા માટે રજનીકાંતે આ ડોનેશન આપ્યું છે.
આ સિવાય બોલિવુડના પણ ઘણા સેલેબ્સ આગળ આવ્યા છે, જેમાં સોનમ કપૂર, જાવેદ અખ્તર, મધુર ભંડારકર, સલીમ મર્ચન્ટ, સંજય ગુપ્તા, વિવેક અગ્નિહોત્રી અને કરણવીર બોહરા જેવા સેલેબ્સ શામેલ છે. ફેડરેશન અને બોલિવુડની મોટી હસ્તીઓ દ્વારા કરવામાં આવેલી આ મદદ સેટ પર મેકઅપ આર્ટિસ્ટ, ડ્રાઇવર, સ્પોટબૉય, લાઇટમેન, કેમેરા આસિસ્ટન્ટ, સેટ ડિઝાઇન કરવા દરમિયાન કામ કરનારા ટેક્નિકલ આર્ટિસ્ટ અને મજૂરો સહિત જરૂરિયાતમંદ ટેક્નિશિયનો માટે કરવામાં આવી રહી છે.
બોલિવુડ સિવાય, હોલિવુડના સેલેબ્રિટીઝ પણ આ જીવલેણ બિમારીથી પીડિત લોકોની મદદ માટે આગળ આવી રહ્યા છે.