નિધન / માઠા સમાચાર : ભારતીય બોલરનું 40 વર્ષની ઉંમરમાં નિધન, શોકમગ્ન બન્યું ક્રિકેટ જગત

• મુંબઈના પૂર્વ ફાસ્ટ બોલર રાજેશ વર્માનું નિધન
• હાર્ટ એટેકના કારણે થયુ નિધન
• મુંબઈના પૂર્વ સાથી ખેલાડી ભાવિન ઠક્કરે કરી પુષ્ટિ

પૂર્વ ફાસ્ટ બોલર રાજેશ વર્માનુ નિધન 

પોતાની કારકિર્દીમાં સાત પ્રથમ શ્રેણી મેચ રમી ચૂકેલા રાજેશ 2006-07માં મુંબઈની રણજી ટ્રોફી ચેમ્પિયન ટીમના મહત્વના સભ્ય હતા. તેમણે 2002-03માં ફર્સ્ટ ક્લાસ ક્રિકેટમાં ડેબ્યુ કર્યુ હતુ અને પંજાબની સામે 2008માં બ્રેબોર્ન સ્ટેડિયમમાં અંતિમ મેચ રમી હતી. તેમણે 7 મેચમાં 23 વિકેટ લીધી. 97 રન આપીને પાંચ વિકેટ લઇને તેમનુ સર્વશ્રેષ્ઠ પ્રદર્શન હતુ. આ સિવાય તેમણે 11 લિસ્ટ એ મેચ રમીને 20 વિકેટ લીધી હતી. 

મુંબઈના પૂર્વ ખેલાડીનું પણ થોડા દિવસ પહેલા થયુ હતુ નિધન

આની પહેલા મુંબઈના જ પૂર્વ ખેલાડી અને ભારતના દિગ્ગજ ક્રિકેટર વીનુ માંકડના દીકરા રાહુલ માંકડનુ પણ નિધન થયુ હતુ. તેઓ 66 વર્ષના હતા. વીનુ માંકડના પુત્ર રાહુલ માંકડે લંડનમાં અંતિમ શ્વાસ લીધા હતા. રાહુલ ઓલરાઉન્ડર હતા અને તેમણે 47 ફર્સ્ટ ક્લાસ મેચમાં 2111 રન બનાવ્યાં હતા. જેમાં તેમનો બેસ્ટ સ્કોર 162 હતો. રાહુલના નામે પાંચ સદી અને 12 અર્ધસદી છે. તેમના ભાઈ અશોક અને અતુલ પણ ક્રિકેટર હતા. અશોક તો ભારત તરફથી રમતા હતા. જ્યારે અતુલ દેશમાં જ ક્રિકેટ રમતા હતા.