પુણ્યતિથીએ ખાસ યાદ આવ્યા 'કાકા' જાણો કેટલીક જાણી-અજાણી વાતો

આપણા ઇતિહાસમાં અમુક એવા દિવસો છે જે હંમેશા યાદ રહેતા હોય છે. ત્યારે આજના દિવસે ઇતિહાસમાં અનેક સારી અને ખરાબ ઘટના ઘટી હતી. પરંતુ આ તમામ ઘટનાઓમાં હિન્દી ફિલ્મ ઉદ્યોગના પ્રથમ સુપરસ્ટારના  અવસાનનો પણ સમાવેશ થાય છે. આજના દિવસે ભારતીય ફિલ્મ જગતના દિગ્ગજ અદાકાર રાજેશ ખન્નાની પૂણ્યતિથી છે.



ઉલ્લેખનીય છે કે 18 જૂલાઇ 2012ના રોજ હિન્દી ફિલ્મ ઉદ્યોગના પ્રથમ સપરસ્ટાર હોવાનું ગૌરવ મેળવનાર રાજેશ ખન્નાનું અવસાન થયું હતું. 1969 થી 1971 સુધીના ટુંકા ગાળામાં રાજેશ ખન્નાની મુખ્ય અભિનેતા તરીકેની 15 ફિલ્મો સુપર હીટ થઈ હતી. બીબીસીએ એમના જીવન ઉપર "બોમ્બે સુપરસ્ટાર" નામની એક દસ્તાવેજી ફિલ્મ બનાવી હતી. 



આપને જણાવી દઇએ કે રાજેશ ખન્નાએ ફિલ્મ ક્ષેત્રની કારકિર્દી દરમિયાન કુલ 180 ફિલ્મોમાં કામ કર્યું હતું જેમાં 163 પૂર્ણ કક્ષાની અને 17 નાની ફિલ્મો. આ કારકિર્દી દરમિયાનની 106 ફિલ્મોમાં એમણે મુખ્ય ચરિત્ર અભિનેતાની ભુમિકા ભજવી હતી. 



રાજેશ ખન્નાએ ત્રણ વખત ફિલ્મફેર "સર્વોત્તમ અભિનેતા" પુરસ્કાર જીત્યો હતો અને 14 વખત તેના માટે નામાંકિત થયા હતા. તો 1991માં એમને ભારતીય સિનેમામાં 25 વર્ષ પુરાં કરવા બદલ ખાસ ફિલ્મફેર પુરસ્કાર આપવામાં આવ્યો હતો. ત્યારે પોતાના દિલદાર અભિનયથી લોકોને સતત મનોરંજન પૂરુ પાડનાર અભિનેતાએ આજના દિવસે આપણી વચ્ચેથી ચિરવિદાય લીધી હતી.