OMG / બોલો, પોલીસે મેમો ફાડવાની તમામ હદ વટાવી, એવા શખ્સને આપ્યો જે દુનિયામાં જ નથી

• જિલ્લા પરિવહન વિભાગે મોકલી નોટિસ
• ફાસ્ટ ડ્રાઈવિંગ અને સીટ બેલ્ટ વિના ડ્રાઈવિંગ માટે આપ્યો મેમો
• 8 વર્ષ પહેલાં જ મૃત્યુ પામ્યા હતા રાજેન્દ્ર કરેસા
• રાજસ્થાનના ઝાલાવાડમાં બન્યો આ કિસ્સો

મળતી માહિતિના આધારે જિલ્લા પરિવહન વિભાગે રાજેન્દ્ર કુમાર કરેસાને નોટિસ મોકલી છે. નોટિસ અનુસાર તેઓ ફાસ્ટ ડ્રાઈવિંગ કરી રહ્યા હતા અને તેઓએ સીટ બેલ્ટ પણ પહેર્યો ન હતો. રાજેન્દ્રનું અવસાન 5 નવેમ્બર 2011ના થયું હતું. તેમનું ડ્રાઈવિંગ લાયસન્સ 2014 સુધી જ વેલિડ હતું. તેમના નામે કોઈ ગાડી પણ ન હતી. 

કયા કારણોસર ફાડવામાં આવ્યો મેમો?

11 સપ્ટેમ્બર 2019ના રોજ તેમના ઘરે લેટર આવ્યો. જેને વાંચીને ઘરના લોકો અચરજ પામ્યા. 22 ઓગસ્ટ 2019ના રોજ ટ્રાન્સપોર્ટ ડિપાર્ટમેન્ટને લેટર મોકલવામાં આવ્યો. તેમાં લખ્યું હતું કે રાજેન્દ્રને 20 ઓગસ્ટ 2019ના રોજ સીટ બેલ્ટ વિના ગાડી ચલાવવા માટે અને ફાસ્ટ ડ્રાઈવિંગ માટે દંડ કરવામાં આવ્યો છે. તેમના ડ્રાઈવિંગ લાયસન્સને પણ સસ્પેન્ડ કરવામાં આવશે. આ ગુના હેઠળ તેઓએ 30 ઓગસ્ટે કાર્યાલયમાં હાજર રહેવાનું રહેશે.

પણ આ મેમો સાચો હતો...
ટ્રાફિક પોલિસે જે મેમો ફાડ્યો હતો તે સાચો હતો. ભૂલ એ થઈ કે તે ખોટી વ્યક્તિને મોકલી દેવામાં આવ્યો હતો. જિલ્લાના એકતાસામાં વિના સીટ બેલ્ટ અને ફાસ્ટ સ્પીડમાં ગાડી ચલાવતા રાજેન્દ્રને મોકલવાનો હતો. તે ઘટોલીમાં રહેતો હતો. પણ જે લાયસન્સ નંબર જણાવવામાં આવ્યો તે જિલ્લાના ચૌમેહલાના રહેવાસી રાજેન્દ્ર કુમાર કસેરાનો હતો. તેમનું મૃત્યુ 8 વર્ષ પહેલાં જ થઈ ચૂક્યું હતું. જ્યારે ટ્રાફિક પોલિસે આંખમીચીને મેમો ફાડવાનું શરૂ કર્યું છે ત્યારે તેઓ દુનિયાને અલવિદા કહી ચૂકેલી વ્યક્તિઓના ઘરે પણ મેમો મોકલી દે છે. કોઈ યોગ્ય તપાસ કરવામાં આવતી નથી.