Republic Day / રાજસ્થાની પાઘડી, સફેદ કુર્તો અને કાળો કોટ : PM મોદીના પહેરવેશે દર વર્ષની જેમ આ વખતે પણ જમાવ્યું આકર્ષણ

• પીએમ મોદી ગણતંત્ર દિવસની પરેડ પહેલા વોર મેમોરિયલ પહોંચ્યા હતા
• 74મા ગણતંત્ર દિવસના ખાસ મોકા પર પીએમ મોદીએ બહુરંગી રાજસ્થાની પાઘડી પહેરી
• બહુરંગી પાઘડીએ તેમના પોશાકના ગૌરવમાં વધારો કર્યો

પ્રધાનમંત્રી નરેન્દ્ર મોદીએ 74મા ગણતંત્ર દિવસના ખાસ મોકા પર ભારતની વિવિધતાનું પ્રતિક એવી બહુરંગી રાજસ્થાની પાઘડી પહેરી હતી. પીએમ મોદીના આ વર્ષના પોશાકની પહેલી ઝલક ત્યારે સામે આવી જ્યારે પીએમ મોદી ગણતંત્ર દિવસની પરેડ પહેલા વોર મેમોરિયલ પહોંચ્યા હતા. આજે પીએમ મોદીએ સફેદ કુર્તા અને પેન્ટની સાથે કાળો કોટ અને સફેદ સ્ટોલ પહેરી છે. કાળા અને સફેદ પોશાકમાં લાંબી પૂંછડીવાળી બહુરંગી પાઘડીએ તેમના પોશાકના ગૌરવમાં વધારો કર્યો છે. 

प्रधानमंत्री श्री @narendramodi 74वें गणतंत्र दिवस के अवसर पर राष्ट्रीय समर स्मारक में शहीदों को श्रद्धांजलि अर्पित करते हुए। #RepublicDay pic.twitter.com/9B8tTESzsr

— BJP (@BJP4India) January 26, 2023

પીએમ મોદીના પોશાકની પસંદગી ખૂબ જ રસપ્રદ
જણાવી દઈએ કે ગયા વર્ષે પીએમ મોદીના પોશાકમાં ઉત્તરાખંડ અને મણિપુરનો અલગ સ્પર્શ દર્શાવ્યો હતો. ગયા વર્ષે ગણતંત્ર દિવસ પર એમને ઉત્તરાખંડની બ્રહ્મકમલ ટોપી પહેરી હતી અને મણિપુરમાંથી લિરમ ફીની ઝલક જોવા મળી હતી. નોંધનીય છે કે સ્વતંત્રતા દિવસ અને પ્રજાસત્તાક દિવસના બે પ્રસંગો પર પીએમ મોદીના પોશાકની પસંદગી ખૂબ જ રસપ્રદ રહે છે અને આ સાથે જ પીએમ મોદી અન્ય પ્રસંગો પર પણ ચોક્કસ જાતિ અથવા પ્રદેશના પરંપરાગત કપડાં પહેરે છે. 

PM Shri @narendramodi pays homage to the martyrs at the National War Memorial on 74th #RepublicDay. https://t.co/qSUcgVz01t

— BJP (@BJP4India) January 26, 2023

જણાવી દઈએ કે વર્ષ 2021માં 72માં પ્રજાસત્તાક દિવસ પર પીએમ મોદીએ લાલ બાંધેલી ટોપી પહેરી હતી જે જામનગરના રાજવી પરિવાર તરફથી એમને ભેટ આપવામાં આવી હતી. આ પહેલા વર્ષ 2020માં પીએમ મોદીએ કેસરી બંધેજ ટોપી પહેરી હતી. નરેન્દ્ર મોદી હંમેશા કંઈક અલગ પોશાક પહેરવા માટે જાણીતા છે.