કેન્દ્રીય મંત્રી સ્મૃતિ ઇરાનીએ તાજેતરમાં થયેલા લેકમે ફેશન વીકમાં નિશા યાદવ નામની એક રાજસ્થાની મૉડલની સંઘર્ષ યાત્રા દુનિયાની સામે રજૂ કરી.
સ્મૃતિ ઇરાનીએ પોતાના ઑફિશ્યલ ઇન્સ્ટાગ્રામ પેજ પર રાજસ્થાનની વકીલ તથા મૉડલ નિશા યાદવની વાર્તા જણાવી. આ વીડિયોમાં સ્મૃતિ ઇરાનીએ નિશા યાદવની સફળતા વિશે વાત કરી છે, જે તેણે સંઘર્ષ કરી અને તેના માટે મહેનત કર્યા પછી મળી.
સ્મૃતિ ઇરાનીએ પોસ્ટ કરેલા વીડિયોમાં કહ્યુ કે, હું ઇચ્છું છું કે તમે બધા નિશા યાદવને મળો, જે ઘણી ખાસ છે. નિશા યાદવે એક મૉડલ હોવાની સાથે સાથે રાજસ્થાને યુનિવર્સિટીમાં વકીલના ભણતરનું બીજુ વર્ષ પણ પૂરુ કરી દીધુ છે. ત્રીજા વર્ષનુ ભણવાનું ચાલી રહ્યુ છે અને દિલ્હીમાં પ્રેક્ટિસ કરી રહી છે.
A post shared by Nisha Yadav (@nisha.yadav.official) on
આ વીડિયો ક્લિમમાં સ્મૃતિ ઇરાનીએ કહ્યુ કે, ''નિશા યાદવ દરરોજ સ્કૂલે જવા માટે 6 કિલોમીટર સુધી જતી હતી. જ્યારે નિશાને નાની ઉંમરમાં લગ્ન કરવા માટે ઇન્કાર કર્યો, ત્યારે તેના પિતાએ તેણે ઘરની બહાર કાઢી મૂકી હતી. નિશાની બહેનોએ તેણે સમર્થન કર્યુ તો ઘરવાળાઓએ તેમણે બહાર કાઢી મૂકી હતી.''
A post shared by Nisha Yadav (@nisha.yadav.official) on
જોકે આ વીડિયોમાં નિશાએ કહ્યુ કે, ''અમારા પિતાજીએ હવે અમને પાછા બોલાવી દીધા છે. મારી ચારેય બહેનોનો જીવન સારી રીતે પસાર થઇ રહ્યુ છે. એક IAS અધિકારી છે, એક પોલિસમાં છે, એક સોફ્ટવેર એન્જિનિયર છે તો ચોથી પ્રોફેસર છે.'' વીડિયોના અંતમાં સ્મૃતિ ઇરાનીએ કહ્યુ કે, ''દિકરીઓના લગ્ન ત્યારે જ કરાવો જ્યારે તેમણે ભણતર પૂરુ કરી દીધુ અને તેઓ લગ્ન માટે તૈયાર હોય.''