આ વખતે પહેલી વખત IPL 2022 માં ઉતરેલી ટીમ લખનૌ સુપર જાયન્ટ્સને રાજસ્થાન સામેની રોમાંચક મેચમાં પરાજયનો સામનો કરવો પડ્યો છે. આખરી ઓવરમાં 15 રન થઈ શક્ય નહોતા.
લખનૌ સામે રાજસ્થાનનો રોમાંચક વિજય
આખરી ઓવરમાં 15 રન ન થઈ શક્યા
ત્રણ રને જીત્યું રાજસ્થાન રોયલ્સ
રાજસ્થાન રોયલ્સે એક રોમાંચક મેચમાં લખનૌ સુપર જાયન્ટ્સને 3 રને હરાવ્યું હતું. પ્રથમ બેટિંગ કરતા રાજસ્થાને નિર્ધારિત 20 ઓવરમાં 6 વિકેટ ગુમાવીને 165 રન બનાવ્યા હતા.
હેટમાયરની તોફાની બેટિંગ
રાજસ્થાન તરફથી શિમરોન હેટમાયરે 36 બોલમાં અણનમ 59 રનની ઇનિંગ રમી હતી. રાજસ્થાન રોયલ્સે સારી શરૂઆત બાદ પણ વિકેટો ગુમાવવાનું ચાલુ રાખ્યું હતું. જોસ બટલર 13 રન અને સુકાની સંજુ સેમસન 13 રન બનાવીને પેવેલિયન પરત ફર્યા હતા. પડિકલે 29 બોલમાં 29 રન બનાવ્યા હતા. કૃષ્ણપ્પા ગૌતમે તેની પહેલી જ ઓવરમાં બે વિકેટ ઝડપી હતી. તેણે ડ્યુસેન અને પેડિકલને ઘરભેગા કર્યા હતા.
તો બીજી તરફ લખનૌની પણ શરૂઆત ખરાબ રહી. પ્રથમ ઓવરમાં જ કેપ્ટન કેએલ રાહુલ અને ગૌતમ પેવેલિયન પરત ફર્યા હતા. બોલ્ટે બંનેને પેવેલિયન મોકલી દીધા હતા. 166 રનના લક્ષ્યાંકનો પીછો કરતા લખનૌએ 19 ઓવરમાં 8 વિકેટના નુકસાને 151 રન બનાવ્યા હતા.
આખરી ઓવર રહી રોમાંચક
આખરી ઓવરમાં લખનૌ સુપર જયન્ટ્સને 15 રન કરવાના હતા. સ્ટોઈનીસ સામે બોલિંગ કરી રહેલા કુલદીપે સારી બોલિંગ કરી હતી. છેલ્લા બે બોલમાં 10 રન આવ્યા હતા પણ તેમ છતાં સુપર જાયન્ટ્સની ટીમ ત્રણ રને હારી ગઈ હતી. આવેશ ખાને પહેલા બોલે સિંગલ લીધો હતો. ત્યાર બાદ કુલદીપે સારી બોલિંગ કરતાં ત્રણ ડોટ બોલ ફેંક્યા હતા. આખરી બે બોલમાં સ્ટોઈનીસ ચોગ્ગો અને છગ્ગો ફટકાર્યો હતો પણ તેમ છતાં આ 10 રન ટીમને કામ લાગ્યા ન હતા.