રાજસ્થાનમાં અનેક વિસ્તારોમાં લઘુત્તમ તાપમાન માઈનસ સુધી પહોંચી ગયું છે. ફતેહપુર શેખાવટીમાં શીત લહેર અને ઠંડીના પ્રકોપ વચ્ચે માઈનસ તાપમાનને કારણે રેતીના ટુકડા જામી ગયા છે.
રાજસ્થાનમાં ખૂબ જ ઠંડીનો કહેર
લઘુત્તમ તાપમાન માઈનસ સુધી પહોચ્યું
ઘણા રણ વિસ્તારમાં પણ બરફ જામ્યો
રાજસ્થાનમાં ખૂબ જ ઠંડી પડી રહી છે. રાજ્યના અનેક વિસ્તારોમાં લઘુત્તમ તાપમાન માઈનસ સુધી પહોંચી ગયું છે. ફતેહપુર શેખાવટીમાં શીત લહેર અને ઠંડીના પ્રકોપ વચ્ચે માઈનસ તાપમાનને કારણે રેતીના ટુકડા જામી ગયા છે. રણમાં, જ્યાં ઉનાળામાં તાપમાન 50 ડિગ્રી સેલ્સિયસ સુધી પહોંચે છે, ત્યાં ઠંડા પવનોને કારણે ઠંડકનું પ્રમાણ વધ્યું છે.
રાજસ્થાનના ઘણા શહેરમાં તાપમાન માઈનસ ડિગ્રી સેલ્સીયસ
હવામાન વિભાગ (IMD) અનુસાર, રાજસ્થાનના ફતેહપુર શેખાવતીમાં લઘુત્તમ તાપમાન માઈનસ 1.8 ડિગ્રી સેલ્સિયસ પર પહોંચી ગયું છે. તે જ સમયે, ચુરુમાં માઈનસ 1 ડિગ્રી સેલ્સિયસ સુધીનું તાપમાન પણ નોંધાયું છે. રાજસ્થાનના સૌથી ગરમ શહેર ફતેહપુર શેખાવતીમાં પર્વતોથી લઈને પાક સુધી ઝાકળના ટીપાં બરફની જેમ જામી ગયા છે. ઠંડીથી બચવા લોકો દિવસભર બોનફાયરનો સહારો લઇ રહ્યા છે.
રેતીમાં જામ્યો બરફ
રાજસ્થાનના રેતાળ વિસ્તાર ફતેહપુર શેખાવતીમાં મે અને જૂનમાં સૂર્ય પૃથ્વી પર આગ ફેલાવે છે. તાપમાનનો પારો પણ 45 થી 50 ડિગ્રીની રેન્જમાં યથાવત રહે છે, પરંતુ હવે તાપમાનનો પારો માઈનસ 1.8 ડિગ્રીએ પહોંચતા લોકો પરેશાન થઈ ગયા છે. ખેતરોમાં પાક પર પણ ઠંડીની અસર જોવા મળી રહી છે.
માઉન્ટ આબુમાં તાપમાન ઝીરો
રાજસ્થાનના બિકાનેર, માઉન્ટ આબુ, સીકર જેવા શહેરોમાં તાપમાન શૂન્ય ડિગ્રી સેલ્સિયસ નોંધાઈ રહ્યું છે. હવામાન વિભાગના જણાવ્યા અનુસાર 8 જાન્યુઆરીથી રાજ્યમાં ચાલી રહેલી કોલ્ડવેવ અને ધુમ્મસમાંથી રાહત મળશે. તાપમાન સ્થિર બિંદુએ પહોંચવાને કારણે, સીકર કલેક્ટર અમિત યાદવે સરકારી અને ખાનગી શાળાઓમાં નર્સરીથી આઠમા ધોરણ સુધી 7 જાન્યુઆરી સુધી રજા જાહેર કરી છે.
શહેરમાં તાપમાન ગગડ્યું
ફતેહપુર કૃષિ સંશોધન કેન્દ્ર ખાતે લઘુત્તમ તાપમાન માઈનસ 1.8 ડિગ્રી અને મહત્તમ તાપમાન 19.7 ડિગ્રી સેલ્સિયસ નોંધાયું હતું. સીકરમાં લઘુત્તમ તાપમાન માઈનસ 1.5 ડિગ્રી અને મહત્તમ 18 ડિગ્રી નોંધાયું હતું. ગત દિવસની વાત કરીએ તો રાજસ્થાનના ચુરુનું લઘુત્તમ તાપમાન 1.0, બારા 1.1 ડિગ્રી સેલ્સિયસ, જયપુર, પિલાની અને કોટાનું લઘુત્તમ તાપમાન 3.6 ડિગ્રી સેલ્સિયસ, ગંગાનગર 4.7, ઉદયપુર 5.8, જોધપુર 6.5, જેસલમેર 6.4, A47 ડિગ્રી સેલ્સિયસ નોંધાયું છે. હવામાન વિભાગના જણાવ્યા અનુસાર આગામી બે દિવસ સુધી રાજ્યમાં કોલ્ડવેવ અને ધુમ્મસની અસર યથાવત રહેશે. જ્યારે આ પછી વેસ્ટર્ન ડિસ્ટર્બન્સ સક્રિય થયા બાદ ઠંડીમાંથી થોડી રાહત મળવાની શક્યતા છે.