નામકરણ / રાજસ્થાનમાં પિતાએ દીકરાનું નામ રાખ્યું 'કોંગ્રેસ', સાથે જ કહી આ મોટી વાત

• રાજસ્થાનમાં બાળકનું નામ રખાયું 'કોંગ્રેસ' 
• પિતાએ આ વાતથી પ્રેરિત થઈને રાખ્યું નામ
• જન્મ પ્રમાણપત્રમાં 'કોંગ્રેસ' નામ રખાયું

વિનોદ જૈનનું કહેવું છે કે તેમનો પરિવાર કોંગ્રેસ પાર્ટી સાથે જોડાયેલો છે અને સાથે જ તેઓ ઈચ્છે છે કે તેમની આવનારી પેઢી પણ તેમના પગલે જ ચાલતી રહે. આ માટે તેઓએ પાર્ટીના નામે પોતાના બાળકનું નામ રાખ્યું છે. 

મારા પરિવારના લાકો ઈચ્છે છે આ વાત

વિનોદ જૈને કહ્યું કે મારા પરિવારના લોકો મારા દીકરાને કોંગ્રેસ બોલાવવા ઈચ્છે છે. મારા દીકરાનો જન્મ જુલાઈમાં થયો હતો અને તેનું પ્રમાણપત્ર બનવામાં થોડો સમય લાગ્યો. આજે રાજ્ય સરકારે તેના પ્રમાણ પત્રને જાહેર કર્યું. હવે તેને કોંગ્રેસ જૈનના નામે ઓળખવામાં આવશે. 

આ કારણે રાખ્યું નામ

તેઓએ કહ્યું કે હું અશોક ગેહલોતથી પ્રેરિત છું અને હું તેમની સાથે છું. મને લાગે છે કે મારો દીકરો 18 વર્ષનો થઈ જશે ત્યારે તે પણ રાજકીય કરિયર શરૂ કરશે. જુલાઈ 2019માં જન્મેલા, કોંગ્રેસ જૈન વિનોદનું બીજું સંતાન છે. પહેલી દીકરી બાદ 18 વર્ષે આ દીકરાનો જન્મ થયો છે. તેઓએ કહ્યું છે કે મેં બાળકના નામ સાથે આશા રાખી છે. હું ઈચ્છું છું કે મારો દીકરો મોટો થાય તો કોંગ્રેસ પાર્ટીમાં સક્રિય ભૂમિકા નિભાવે.