Success Story / દેશ માટે ઠુકરાવી 55 લાખની નોકરી, પ્રથમ પ્રયાસમાં UPSC ક્રેક કરી, IAS અધિકારીની પ્રેરણાદાયક કહાની

• રાજસ્થાનના ભવિષ્ય દેસાઈને મળી સફળતા 
• યુપીએસસી પરીક્ષામાં મળ્યા 29 AIR
• ટ્રેડિંગ કંપનીમાં હતુ 55 લાખનું પેકેજ 

UPSC પરીક્ષાનું રિઝલ્ટ જાહેર થયા બાદથી જ ઉમેદવારોની પ્રેરણાદાયી સ્ટોરી સામે આવે છે. એવી જે એક સ્ટોરી છે રાજસ્થાનના ભવિષ્ય દેસાઈની. જેમણે ઈન્ડિયન સિવિલ સર્વિસની નોકરી માટે કોર્પોરેટ સેક્ટરની હાઈ પેકેજ સેલેરીને ઠુકરાવી દીધી છે. 

પરિક્ષામાં મળ્યા 29 AIR
ભવિષ્યએ IAS બનવા માટે 55 લાખની સેલેરી પેકેજ વાળી નોકરી છોડી દીધી. ભવિષ્યની ઉપર IAS બનવાનું એવુ ઝુનુન હતું કે તેમણે પહેલા જ પ્રયત્નમાં યુપીએસસી એક્ઝામ ક્રેક કરી લીધી. ભવિષ્ય દેસાઈને યુપીએસસી એક્ઝામમાં 29 AIR મળ્યા છે. 

છોડી દીધી લાખોની નોકરી 
રાજસ્થાનના અજમેર શહેરના રહેવાસી દેસાઈએ કોલેજના સમયથી જ યુપીએસસી એક્ઝામ ક્રેક કરવાનો પ્લાન બનાવી લીધી હતો. જોકે કોઈના માટે પણ લાખો રૂપિયાની નોકરી છોડવી મોટી વાત છે. પરંતુ ભવિષ્યએ યુપીએસસી ક્રેક કરવા માટે કોઈ કસર ન છોડી. તેના અભ્યાસનું શેડ્યુલ ખૂબ જ એક્યુરેટ હતુ. તેનું જ પરિણામ છે કે તેણે દેશની સૌથી કઠીન પરિક્ષા પહેલા જ પ્રયત્નમાં ક્રેક કરી લીધી. ભવિષ્ય ઈચ્છતા હતા કે તેમના અભ્યાસ વખતે તેમનું ધ્યાન બિલકુલ ન ભટકે. માટે તેમણે સ્માર્ટફોન અને સોશિયલ મીડિયા પરથી દૂરી બનાવી લીધી હતી. 

IIT કાનપુરના કોમ્પ્યુટર સાયન્સમાં કર્યું એન્જિનિયરિંગ 
લગભગ 2 વર્ષ સુધી ભવિષ્ય સ્માર્ટફોન અને સોશિયલ મીડિયાથી દૂર રહ્યા અને પોતાને એક રૂમમાં કેદ કરી લીધું. આ રૂમમાં તેમણે બે વર્ષ સુધી ખૂબ જ મહેનત કરી અને આજ પરિણામ સામે છે. ભવિષ્યએ અજમેર અને કોટાથી પોતાનો અભ્યાસ પુરો કર્યો છે. ત્યાર બાદ તેમણે IIT-JEE એક્ઝાનને ક્રેક કરી અને IIT કાનપુરથી કોમ્પ્યુટર સાયન્સમાં એન્જિનિયરિંગની ડિગ્રી પુરી કરી.  

જોકે કોલેજના દિવસોમાં જ તેમના મનમાં સિવિલ સર્વિસ એક્ઝાનને ક્રેક કરવાનું ઝુનૂન ઉભુ થઈ ગયું હતું. ત્યાં જ એન્જિનિયરિંગ બાદ તેમને ગુરૂગ્રામ સ્થિત એક ટ્રેડિંગ કંપનીના 55 લાખ રૂપિયાની નોકરીની ઓફર આપવામાં આવી હતી તેને ઠુકરાવીને તેમણે IAS બનવાનો નિર્ણય કર્યો.