વાયરલ / VIDEO : વોટ માટે ગમે તે ! ઉમેદવારોએ રસ્તા વચ્ચે છોકરીઓના પગે પડી પડીને માગ્યા વોટ

• રાજસ્થાનના બારાંમા અજીબોગરીબ ઘટના
• વિદ્યાર્થી સંઘની ચૂંટણીમાં ઉમેદવારો છોકરીઓને પગે પડ્યાં
• રસ્તા પર સાષ્ટાંગ પ્રમાણ કરીને છોકરીઓ પાસેથી માગ્યા વોટ
• ઘટનાનો વીડિયો વાયરલ 

ચૂંટણીમાં મતદાતાઓને આકર્ષિત કરવા માટે ઉમેદવારો જાતજાતના હથકંડો અપનાવતા હોય છે. ત્યાં સુધી કે ઉમેદવારો મતદાતાઓના પગમાં પણ પડી જતા હોય છે. રાજસ્થાનના બારાંમા પણ વિદ્યાર્થી સંઘની ચૂંટણીમાં આવો નજારો જોવા મળ્યો હતો. બારાંમા એક વિચિત્ર ઘટનામાં વિદ્યાર્થી સંઘના નેતાઓ વિદ્યાર્થીઓના પગે પડી ગયા હતા અને તેમની તરફેણમાં મત આપવાની વિનંતી કરી હતી. આ વિચિત્ર દ્રશ્ય જોઇને ત્યાં હાજર સૌ કોઇ આશ્ચર્યચકિત થઇ ગયા હતા. તેની કેટલીક તસવીરો અને વીડિયો  સામે આવ્યા છે. 

राजस्थान विश्वविद्यालय छात्र संघ चुनाव के दौरान प्रत्याशियों ने सड़क पर लेटकर पैर पकड़कर माँगे वोट. pic.twitter.com/rmvlgCFXgJ

— UnSeen India (@USIndia_) August 26, 2022

ઘટનાનો વીડિયો થયો વાયરલ 
રસ્તા વચ્ચે છોકરીઓને પગે પડીને મત માગી રહેલા ઉમેદવારનો એક વીડિયો વાયરલ થયો હતો. વીડિયોમાં જોઈ શકાય છે કે વિદ્યાર્થી સંઘના નેતાઓ પોતાના બેચમેટ્સ સાથે વોટ માટે આજીજી કરી રહ્યા છે. તેઓ શાબ્દિક રીતે છોકરીઓના પગ પર પડી ગયા અને તેમને હાથ જોડીને તેમને મત આપવા વિનંતી પણ કરી.

રાજસ્થાનમાં બે વર્ષ બાદ વિદ્યાર્થી સંઘની ચૂંટણી 
રાજસ્થાનમાં બે વર્ષના ગાળા બાદ શુક્રવારે વિદ્યાર્થી સંઘની ચૂંટણી યોજાઈ રહી છે. સવારે 8 વાગ્યાથી મતદાન શરૂ થયું હતું. શનિવારે સવારે મતગણતરી શરૂ થશે અને ત્યાર બાદ બપોર બાદ પરિણામ આવવાનું શરૂ થશે.