રાજસ્થાનમાં બારન જિલ્લામાં 19 વર્ષના યુવકે 5 વર્ષની બાળકી પર દુષ્કર્મ કર્યુ છે. જેના કારણે તેની હાલત નાજુક છે. બાળકીને હાલ હોસ્પિટલમાં દાખલ કરવામાં આવી છે. પોલીસે બુધવારે આ જાણકારી આપી હતી. તેમણે કહ્યું કે આ ઘટના મંગળવારે શાહાબાદ વિસ્તારમાં બની છે.
બાળકીના શરીરમાં ભારે માત્રામાંથી લોહી વહ્યુ હતુ
બાળકીને રાત્રે બારન જિલ્લા હોસ્પિટલમાં ભરતી કરવામાં આવી હતી
નશામાં ઘૂત આરોપીએ તેની સાથે બળાત્કાર કર્યો હતો
શાહાબાદ ક્ષેત્રાધિકારી કજોડમલના જણાવ્યાનુંસાર દુષ્કર્મ કર્યા બાદ બાળકીના શરીરમાં ભારે માત્રામાંથી લોહી વહ્યુ હતુ અને આ સાથે તેને મંગળવારે રાત્રે બારન જિલ્લા હોસ્પિટલમાં ભરતી કરવામાં આવી હતી. અધિકારીઓનું કહેવું છે કે બાળકીને કોટા સ્થિત જેકે લોન હોસ્પિટલમાં રિફર કરવામાં આવી છે. તેમણે કહ્યું કે બુધવારે બાળકીની એક સર્જરી કરવામાં આવી હતી એ બાદ તેની વધુ 2 સર્જરી કરવામાં આવી હતી.
શાહાબાદના પોલીસ સ્ટેશનના ઈન્ચાર્જ હરિ પ્રસાદ રાણાનું કહેવું છે કે આ મામલામાં આરોપીની ધરપકડ કરવામાં આવી છે. તેમણે કહ્યું કે બાળકી આદિવાસી સમાજની છે અને મંગળવારે સવારે 5 વાગે શૌચાલય માટે ઘરની બહાર નીકળી હતી. તે સમયે નશામાં ઘૂત આરોપીએ તેની સાથે બળાત્કાર કર્યો હતો.
રાણાનું કહેવું છે કે આરોપી પણ આ જ સમાજનો છે. તેમમે વધુંમાં જણાવ્યું કે આરોપી બાળકીને માબારી કેન્દ્રની અંદર લઈ ગયો હતો જ્યાં તેની સાથે દુષ્કર્ણ કર્યુ હતું. આ બાદ બાળકી રોતા રોતા ઘરે આવી હતી. તેના પરિવારે મંગળવારે રાતે પોલીસ સ્ટેશનમાં ફરિયાદ નોંધાવી હતી. પોલીસે આરોપી સામે પોક્સો હેઠળ બળાત્કારનો ગુનો દાખલ કર્યો છે.