IPL 2020 / રાજસ્થાન રૉયલ્સે ખરીદ્યો હતો 7.2 કરોડમાં, ઇજાને કારણે IPL માંથી બહાર થયો ખેલાડી

• જોફરા આર્ચરે સાઉથ આફ્રિકા સામેની પ્રથમ ટેસ્ટ દરમિયાન જમણી કોણીમાં ઇજા થઇ
• ઇંગ્લેન્ડ ક્રિકેટ બોર્ડે કહ્યુ, આર્ચર હવે જૂનમાં વિન્ડીઝ સામેની ટેસ્ટ સીરિઝથી કરશે કમબેક
• જોફરા આર્ચરે IPL ની રાજસ્થાન રોયલ્સની ટીમ માટે 6.76 ની ઇકોનોમીથી રન આપતા 11 વિકેટ લીધી હતી 

આર્ચરને રાજસ્થાન રોયલ્સે 2018માં 7.2 કરોડમાં ખરીદ્યો હતો. ઇંગ્લેન્ડ ક્રિકેટ બોર્ડે ઓફિશિયલ સ્ટેટમેન્ટમાં કહ્યું કે, તે હવે રિહેબિલેશન પ્રોગ્રામની શરૂઆત કરશે અને જૂનમાં વેસ્ટ ઇન્ડિઝ સામે ત્રણ ટેસ્ટની સીરિઝથી કમબેક કરશે. ઇંગ્લેન્ડ માર્ચમાં શ્રીલંકામાં બે ટેસ્ટ ટેસ્ટ રમવાનું છે.

We’re working with the ECB to help @JofraArcher secure a speedy recovery, and still hope to see him in a Royals jersey this season.#RoyalsFamily pic.twitter.com/zZB6WFsQ5y

— Rajasthan Royals (@rajasthanroyals) February 6, 2020

આર્ચર IPLમાં રાજસ્થાન રોયલ્સ માટે રમે છે, તેની ગેરહાજરીમાં ફ્રેન્ચાઈઝ જલ્દી રિપ્લેસમેન્ટ જાહેર કરી શકે છે. તેણે ગઈ સીઝનમાં રોયલ્સ માટે 6.76ની ઈકોનોમીથી રન આપતા 11 વિકેટ ઝડપી હતી.

આર્ચરે IPLમાં 23.69ની એવરેજથી 26 વિકેટ લીધી

24 વર્ષીય આર્ચરે ઇંગ્લેન્ડ માટે 7 ટેસ્ટ અને 14 વનડે રમ્યો છે. તેણે ટેસ્ટમાં 30 અને વનડેમાં 23 વિકેટ લીધી છે. તેણે IPLની 21 મેચમાં 23.69ની એવરેજથી 26 વિકેટ ઝડપી છે. 2018માં તેણે 21.66ની એવરેજથી 15 અને ગયા વર્ષે 26.45ની એવરેજથી 11 વિકેટ ઝડપી છે.