ભારત આ સમયમાં કોરોના વાયરસની બીજી લહેરથી ઝઝૂમી રહ્યુ છે ત્યારે અન્ય દેશો પણ ભારતની મદદે આગળ આવ્યા છે.
રાજસ્થાન રોયલ્સે કરી મોટી મદદ
7.5 કરોડ રૂપિયાની કરી મદદ
ટ્વિટર હેન્ડલથી ટ્વિટ કરીને આપી જાણકારી
આ પ્રકારની મુશ્કેલીમાં રાજસ્થાન રૉયલ્સે મોટી મદદ કરવાનુ એલાન કર્યુ છે. રાજસ્થાને કોરોના વાયરસ સામેની લડાઇ લડવા માટે 7.5 કરોડ રૂપિયા દાન કરવાની ઘોષણા કરી છે અને પોતાના ઓફીશીયલ ટ્વિટર હેન્ડલથી ટ્વિટ પણ કરી છે.
રાજસ્થાન રોયલ્સે લખ્યું કે, કોવિડ-19થી પ્રભાવિત લોકોની તાત્કાલિક સહાય માટે માલિકો, ખેલાડીઓ અને પ્રબંધને એક મિલીયન ડૉલર એટલે કે 7.5 કરોડ રૂપિયાની મદદ કરવાનો નિર્ણય કર્યો છે. આ મદદ રોયલ રાજસ્થાન ફાઉન્ડેશન અને બ્રિટિશ એશિયન ટ્રસ્ટ દ્વારા કરવામાં આવશે. આવી મુશ્કેલ પરિસ્થિતિમાં મદદ કરવા બધા ખેલાડીઓ ઉભા છે.
Rajasthan Royals announce a contribution of over $1 milion from their owners, players and management to help with immediate support to those impacted by COVID-19. This will be implemented through @RoyalRajasthanF and @britishasiantst.
આ પહેલા કોલકાતા નાઇટ રાઇડર્સના ફાસ્ટ બોલર પેટ કમિંસે પીએમ ફંડમાં 50 હજાર ડૉલર એટલે કે 37 લાખ 36 હજાર રૂપિયા મદદ કરવાની ઘોષણા કરી હતી અને સાથે અન્ય લોકોને પણમદદ કરવા માટે અપીલ કરી હતી. બે દિવસ પહેલા બ્રેટલીએ પણ એક બિટકોઇન એટલે કે 42 લાખ રૂપિયા દાન કર્યા હતા અને કહ્યું હતુ કે ભારત મારુ બીજુ ઘર છે.
બોલીવૂડ આવ્યુ મદદે
કોરોનાની બીજી લહેર વચ્ચે બોલીવૂડ ફરી એકવાર મદદ કરવા આગળ આવ્યુ છે અને અજય દેવગણે પણ ફરીથી સામાન્ય લોકોની મદદ કરવાનો નિર્ણય કર્યો છે.
ગયા વર્ષે અજય દેવગને ધારાવીમાં બનાવાયેલ કોવિડ સેન્ટરમાં 200 બેડ માટે ઓક્સિજન સિલિન્ડર અને 2 પોર્ટેબલ વેન્ટિલેટરની મફતમાં વ્યવસ્થા કરીને પોતાનુ યોગદાન આપ્યુ હતુ. આ વખતે અજય દેવગને શિવાજી પાર્કમાં બની રહેલ ઇમરજન્સી મેડિકલ ફેસિલીટી માટે મદદ કરી રહ્યા છે.
બીએમસીએ શિવાજી પાર્ક સ્થિત ભારત એન્ડ સ્કાઉટ ગાઇડ હોલને 20 બેડવાળો કોવિડ 19 સેન્ટર બનાવવાનો નિર્ણય કર્યો છે. જેમાં વેન્ટિલેટર, ઓક્સિજન સપોર્ટ અને અન્ય તમામ સુવિધાઓ પણ હશે. આ સેન્ટરની સ્થાપના માટે અજય દેવગને પોતાની સામાજીક સંસ્થા એનવાય ફાઉન્ડેશનના માધ્યમથઈ બીએમસીની આર્થિક મદદ કરવાનો નિર્ણય કર્યો છે.
હિન્દુજા હોસ્પિટલના સીઓઓ જોય ચક્રવર્તી કહ્યું કે, હિંદુજા હોસ્પિટલનો વિસ્તાર કરવો પડશે જેથી દર્દીઓને જમવાનુ, કપડા, દવાઓ અને ઇમરજન્સી યુનિટ ચલાવવા માટે લોકો આપવામાં આવે.