લાંબા સમય બાદ અંતે ગુરૂવારે મોડી રાતે આશરે 12:30 કલાકે કોંગ્રેસે રાજસ્થાનના પોતાના 152 ઉમેદવારોની પ્રથમ યાદીની જાહેરાત કરી હતી. આ પ્રથમ યાદીમાં રાજસ્થાન કોંગ્રેસના દિગ્ગજ નેતાઓનો સમાવેશ કરવામાં આવ્યો છે.
જેમાં ટોંક વિધાનસભા બેઠક પરથી કોંગ્રેસના પ્રદેશ અધ્યક્ષ સચિન પાયલટ ચૂંટણી લડવાના છે જ્યારે પાર્ટીના મહાસચિવ અશોક ગહલોત પોતાની પરંપરાગત સીટ જોધપુરના સરદારપુર ખાતેથી ચૂંટણી લડવાના છે.
Congress releases a list of 152 candidates for the upcoming #RajasthanElections2018. Sachin Pilot to contest from Tonk Ashok Gehlot to contest from Sardarpura and CP Joshi to contest from Nathdwara. pic.twitter.com/BRFxKeNreE
ગહેલોત અને પાયલટે બુધવારે પોતાનો ઇરાદો સ્પષ્ટ કરતા જણાવેલ કે તેઓ ચૂંટણી લડવાના છે. કોંગ્રેસે રાષ્ટ્રીય મહિલા આયોગની પૂર્વ અધ્યક્ષ ગિરીજા વ્યાસને ઉદયપુરથી તો આ તરફ પક્ષના પીઢ નેતા સીપી જોશીને નાથદ્વારાથી ચૂંટણી મેદાનમાં ઉતારવાનું નક્કી કર્યું છે.
Congress releases its first list of 152 candidates for Rajasthan’s assembly elections
રાજસ્થાન વિધાનસભાના વિપક્ષના નેતા રામેશ્વર લાલ ડૂડીને નોખા સીટના પાર્ટીના ઉમેદવાર જાહેર કરવામાં આવ્યા છે. બુધવારે જ ભાજપ છોડીને કોંગ્રેસમાં શામેલ થયેલા સાંસદ હરીશ મીણાને દેવલી ઉનિયારા બેઠક પરથી ઉમેદવારપદે પક્ષે જાહેર કર્યા છે.
ઉલ્લેખનીય છે કે ભંવરી દેવી કાંડમાં જેલમાં બંધ રહેલા મહિપાલ મદેરણાની દીકરી દિવ્યા મદેરણાને પણ જોધપુરની ઓસિયા બેઠક પરથી ઉમેદવાર જાહેર કરવામાં આવ્યા છે.
કોંગ્રેસના અન્ય દિગ્ગજ નેતા સી.પી.જોશીને ફરીએકવાર નાથદ્વારા સીટ પરથી ઉમેદવાર જાહેર કરવામાં આવ્યા છે. આપને જણાવી દઇએ કે આ બેઠક પરથી તેઓ ગત વિધાનસભામાં માત્ર એક મતથી હાર્યા હતા.