રાજકારણ / દિલ્હી અને રાજસ્થાન કોંગ્રેસ કાર્યલય પરથી સચિન પાયલટના પોસ્ટર દુર કરાયા, શું આ સંકેત છે કે...

• રાજસ્થાન રાજકારણના મોટા સમાચાર
• સચિન પાયલટનો પોસ્ટર દુર કરાયા
• દિલ્હી અને રાજસ્થાન કોંગ્રેસ કાર્યલયથી દુર કરાયા પોસ્ટર

રાજસ્થાનમાં સત્તાની લડાઈ યથાવત છે ત્યારે  જયપુરમાં કોંગ્રેસની મહત્વની બેઠક યોજાઈ રહી છે. હાલમાં મળતા સમાચાર મુજબ દિલ્હી અને રાજસ્થાનમાં કોંગ્રેસ ઓફિસમાંથી સચિન પાઈલટના પોસ્ટર દુર કરવામાં આવી રહ્યા છે. આ મોટા સંકેત છે કે કોંગ્રેસ સચિન પાઈલટને મનાવવામાં હવે કોંગ્રેસ કોઈ પ્રયત્ન નહીં કરે. અથવા સચિન પાઈલટ માનવા તૈયાર નથી. ત્યારે આ તમામ બાબતોની વચ્ચે એક વાત નક્કી છે કે સચિન પાઈલટ કોંગ્રેસ સાથે છેડો પાડી રહ્યા છે. ત્યારે સુરજેવાલનું નિવેદન પણ એવું છે કે 48 કલાકમાં સચિન સાથે ઘણી વાતચીત થઈ છે.

રાજસ્થાનમાં શરુ થયેલ સત્તાના સંકટમાં થોડી જ વારમાં જયપુરમાં કોંગ્રેસના ધારાસભ્ય દળની બેઠક થવાની છે. આ બેઠક માટે ધારાસભ્યોનું આવવુ ખુબ જરુરી છે. કોંગ્રેસ પાર્ટી તરફથી વ્હિપ જાહેર કરવામાં આવ્યુ છે. જે બેઠકમાં હાજર નહીં રહે તેમની સામે પગલા ભરવામાં આવશે. દરમિયાન સચિન પાયલટ જુથનો દાવો છે કે તેમના સમર્થનમાં 30 ધારાસભ્યો છે. જે આ બેઠકમાં હાજરી નહીં આપે. 

ગેહલોત-પાયલટ વચ્ચે ખટરાગ કેમ?

રાજસ્થાનમાં સરકાર રચાઈ ત્યારથી ગેલહોત-પાયલટ વચ્ચે ખટરાગ હતો. CM પદ માટે બન્ને વચ્ચે પહેલાથી જ સંબંધો વણસ્યા હતા. ત્યારે પાયલટને CM બનવું હતું પણ હાઈકમાન્ડના આદેશ મુજબ DyCM બનવું પડ્યું હતું. રાજસ્થાનમાં મહેનત બાદ CM પદ ન મળતા પાયલટ નારાજ હતા તેવું માનવામાં આવે છે. ખાસ કરીને સ્પેશિયલ ઓપરેશન ગ્રુપની નોટિસ બાદ સંબંધો વધુ વણસ્યા. ઉલ્લેખનીય છે કે ધારાસભ્યોને ખરીદવા મામલે સચિન પાયલટને પણ નોટિસ મળી હતી જેમાં તેમને નિવેદન નોંધાવવા માટે કહેવાયું હતું. આવામાં નોટિસ મળ્યા બાદ પાયલટ ગેહલોતથી નારાજ છે. આ ઉપરાંત પાયલટ સમર્થકોને SOGની નોટિસ સ્વીકાર ન હતી. કોંગ્રેસની આ જ લડાઈમાં ભાજપ પોતાનો લાભ જોઈ રહી છે . ભાજપ પણ સચિન પાયલટને મનાવવામાં લાગ્યું છે અને હાલ જ્યોતિરાદિત્ય સિંધિયા પણ પાયલટને મનાવવા મેદાનમાં ઉતર્યા છે.