રાજસ્થાન સંકટ / કેન્દ્રીય મંત્રી ગજેંદ્ર શેખાવત, કોંગ્રેસ ધારાસભ્ય ભંવરલાલ શર્મા અને સંજય જૈન વિરુદ્ધ FIR દાખલ

રાજસ્થાનમાં ચાલી રહેલ રાજકીય સંકટ વચ્ચે કોંગ્રેસ પાર્ટીએ મોટો આરોપ લગાવ્યો હતો. કોંગ્રેસ નેતા રણદીપ સુરજેવાલએ પત્રકાર પરીષદ કરી આરોપ લગાવ્યો હતો કે બે વાયરલ ઓડિયોમાં કેન્દ્રીય મંત્રી ગજેંદ્ર સિંહ શેખાવત રાજસ્થાનની સરકારને પાડવાનું ષડયંત્ર કરી રહ્યાં છે. જેને લઇને તેમના પર ઝડપથી FIR કરવી જોઇએ અને ધરપકડ કરવી જોઇએ. આ અંગે SOGમાં ફરિયાદ દાખલ કરવામાં આવી છે. કોંગ્રેસે આ સાથે બે ધારાસભ્યોને પાર્ટીમાંથી સસ્પેન્ડ કરી દીધા છે. 

કોંગ્રેસ નેતા રણદીપ સુરજેવાલાએ આરોપ લગાવ્યો હતો કે કેન્દ્રીય મંત્રી ગજેંદ્રસિંહ શેખાવત આ પુરા ષડયંત્રમાં સામેલ છે. તેમના પર ઝડપથી FIR દાખલ થવી જોઇએ અને ધરપકડ કરવી જોઇએ. તપાસમાં સામે આવવું જોઇએ કે કેન્દ્ર સરકારના કોણ-કોણ વ્યક્તિ આ પૂરી પ્રક્રિયામાં સામેલ છે. 
 

Congress has suspended MLAs Bhanwar Lal Sharma and Vishvendra Singh from primary membership of the party. The party has also issued show cause notices to them: Congress leader Randeep Surjewala https://t.co/lG4exVa14t

— ANI (@ANI) July 17, 2020

કોંગ્રેસ નેતાએ કહ્યું કે સચિન પાયલટે આ હક્કીત સામે આવીને બહાર લાવી જોઇએ અને ધારાસભ્યોની યાદી જાહેર કરવી જોઇએ. ઓડિયોમાં વાતચીત કરનારા ભંવરલાલ શર્મા, વિશ્વેંદ્ર સિંહને કોંગ્રેસે સસ્પેન્ડ કરી દીધા છે અને નોટિસ આપી છે. આ મામલે હવે SOGમાં ફરિયાદ દાખલ કરવામાં આવી છે અને તપાસ કરવા માંગ કરવામાં આવી છે.