રાજસ્થાનમાં ચાલી રહેલા રાજકીય ઘમાસાણ વચ્ચે હાઇકોર્ટ તરફથી સચિન પાયલટના જૂથને રાહત મળી છે. હાઇકોર્ટે વિધાનસભા સ્પીકરની નોટિસ પર રોક લગાવી છે. આમ વિધાનસભાના સ્પીકર ધારાસભ્યોને અયોગ્ય કરાર નહીં કરી શકે.
રાજસ્થાન હાઇકોર્ટથી પાયલટ જૂથને રાહત
હાઇકોર્ટે હાલની સ્થિતીને યથાવત રાખી
હાઇકોર્ટનો સ્પીકરની નોટિસ પર સ્ટે
ઉલ્લેખનીય છે કે સચિન પાયલટ જૂથના ધારાસભ્યોએ સ્પીકરની નોટિસ વિરુદ્ધ કોર્ટનો દરવાજો ખખડાવ્યો હતો. ગત સુનાવણી દરમિયાન કોર્ટે રાજસ્થાન સ્પીકરના બળવાખોરો વિરુદ્ધ કોઇપણ પ્રકારની કાર્યવાહી ન કરવા આદેશ કર્યો હતો. ત્યારબાદ સ્પીકરે સુપ્રીમ કોર્ટનો દરવાજો ખખડાવ્યો હતો. જો કે સુપ્રીમમાંથી પણ સુનાવણી ટાળવા માટે મનાઇ કરવામાં આવી હતી.
24 જૂલાઈ
હાઈકોર્ટે કહ્યું ધારાસભ્યોની અયોગ્યતા પર હાલ ન કરો કાર્યવાહી
હાઈકોર્ટે સ્પીકરને યથાસ્થિતિ જાળવી રાખવા આદેશ કર્યો
રાજસ્થાન સંકટને લઇને ગઇકાલે સુપ્રીમ કોર્ટે રાજસ્થાન હાઇકોર્ટના આદેશ પર રોક લગાવા પર ઇન્કાર કર્યો હતો. સુપ્રીમ કોર્ટે કહ્યું હતું કે પહેલા હાઇકોર્ટનો ચુકાદો આવી જાય, ત્યાર બાદ ફરી આ મામલે સુનાવણી હાથ ધરાશે.
રાજસ્થાન વિધાનસભા સ્પીકર તરફથી કોંગ્રેસના દિગ્ગજ નેતા કપિલ સિબ્બલે દલીલ કરી હતી કે હાઇકોર્ટના નિર્ણયને રદ્દ કરવામાં આવે, કોઇપણ નિર્ણય પહેલા સ્પીકરના મામલમાં દખલ કરી શકાય નહીં.
સુપ્રીમ કોર્ટે રાજસ્થાન હાઇકોર્ટના નિર્ણય પર રોક લગાવા પર ઇન્કાર કરી દીધો હતો. સુપ્રીમે કહ્યું હતું કે પહેલા હાઇકોર્ટ પોતાનો નિર્ણય આપે. ત્યાર બાદ જ સુપ્રીમ કોર્ટ આ મામલે સુનાવણી કરશે.