રાજસ્થાન સંકટ / સચિન પાયલટની વાપસીને લઇને કેટલાંક ધારાસભ્યો નારાજ! ગેહલોતે કહ્યું-હાઇકમાન્ડનો નિર્ણય સર્વોપરી

પાર્ટીના સૂત્રોના જણાવ્યાં અનુસાર મુખ્યમંત્રી અશોક ગેહલોતે પોતાના સંબોધનમાં બધા ધારાસભ્યોને હાલના રાજકીય સંકટમાં સાથ આપવા માટે આભાર માન્યો. ગેહલોતે કહ્યું કે આપણા ધારાસભ્યોએ જે રીતે અમારો સાથે આપ્યો છે તે કોઇપણ પાર્ટી માટેનો આ એક ઇતિહાસ છે.  સીએમ ગેહલોતે કહ્યું કે ધારાસભ્યોએ કોઇપણ નિવેદનો પર ધ્યાન આપ્યા વગર આપણે હાઇકમાન્ડ પર પૂર્ણ ભરોસો રાખવો જોઇએ. 

અશોક ગેહલોતે કહ્યું કે હાઇ કમાન્ડે જે પણ નિર્ણય લીધો છે તે ઉચિત છે અને સર્વમાન્ય છે. સચિન પાયલટની વાપસી પર ધારાસભ્યોની નારાજગી પર મુખ્યમંત્રી ગેહલોતે ક હ્યું કે હાઇમાન્ડનો આદેશ સર્વોપરી હોય છે. આ સાથે જ સીએમ ગેહલોતે આશ્વાસન આપ્યું કે જે પણ ધારાસભ્યએ આ સંકટ સમયમાં પાર્ટી પ્રત્યે નિષ્ઠા રાખી છે તે ધારાસભ્યાના કોઇપણ હિતની સાથે સમજૂતિ થશે નહીં. આ ધારાસભ્યોની દરેક વાત પર ધ્યાન આપવામાં આવશે. 

ઉલ્લેખનીય છે કે કોંગ્રેસ તેમજ તેમના સમર્થક ધારાસભ્ય લગભગ 11 દિવસથી અહીંની એક ખાનગી હોટલમાં રોકાયેલા છે. આ ધારાસભ્ય બુધવારે રાજધાની જયપુર પરત ફરશે જ્યાં 14 ઓગસ્ટથી વિધાનસભા સત્ર શરૂ થવા જઇ રહ્યું છે. 

આમ મંગળવારના રોજ જેસલમેરમાં અશોક ગેહલોત સમર્થક ધારાસભ્યોની બેઠકમાં સચિન પાઇલટની વાપસીને લઇને નારાજગી જોવા મળી હોવાના અહેવાલ મળ્યાં છે. જેને લઇને આજનો દિવસ કોંગ્રેસ માટે ઘણો મહત્વપૂર્ણ બની શકે છે. સચિન પાયલટ અને અશોક ગેહલોત જૂથના ધારાસભ્યો આજની ધારાસભ્યોની બેઠકમાં આમને-સામને આવશે.