પોલીસ કોન્સ્ટેબલની ભરતી પરીક્ષામાં ચોરીને રોકવા માટે પોલીસ તંત્ર અને જિલ્લા તંત્ર દ્વારા ચુસ્ત વ્યવસ્થા કરવામાં આવી. એટલું જ નહીં ડ્રેસકોડના પણ આદેશ આપી દેવાયા હતા. પરંતુ રાજસ્થાનના ઝુંઝુંનુંમાં કંઈ અલગ જ નજારો જોવા મળ્યો.
અહીં આવેલા પરીક્ષાર્થીઓએ ચેકિંગ દરમિયાન પોતાના શર્ટ ઉતારવા પડયા તો કેટલાંક લોકોને પોતાના જૂતા ઉતારવા પડયાં. તો કેટલીક મહિલાઓની કુર્તીનો કેટલોક ભાગ કાપવાના દ્રશ્યો જોવા મળ્યા. કેટલાંક પરીક્ષાર્થીઓ તપાસકર્તાઓને આજીજી કરતા જોવા મળ્યા કે અમારી પાસે કંઈ નથી.
પંરતુ તપાસકર્તા સાંભળે તો ને....અને એક મહિલા પરીક્ષાર્થીની કુર્તીનો એક ભાગ પર કાતર ફેરવી દીધી. ત્યારે સવાલ એ થાય છે કે કાયદામાં એવું ક્યાંય નથી લખ્યું કે નકલ રોકવા માટે પરીક્ષાર્થીઓના કપડા પણ કાપી લેવામાં આવે. કેટલીક મહિલા ઉમેદવારોને તો પોતાની બંગડીઓ પણ ઉતારવાની ફરજ પડી.
ત્યારે પોલીસ તંત્ર પણ નકલ કરનારાઓ પર પૂરજોશમાં કાર્યવાહી કરી રહી છે. પોલસે પાછલા બે દિવસમાં 13 લોકોને નકલના મુદ્દે પકડયા છે. પંરતુ જે લોકો ચોરીની ઘટનાને અંજામ આપી રહ્યાં તે લોકો હજુ પણ પોલીસ પકડથી દૂર છે.