આમ આદમી પાર્ટી સાથે દેશની નામી-અનામી હસ્તીઓના જોડાવાનો સિલસિલો યથાવત છે. આ ક્રમમાં હવે વધુ એક જાણીતી હસ્તી આમ આદમી પાર્ટીમાં સામેલ થઈ છએ. રાજસ્થાનના રહેવાસી અને મિમિક્રી આર્ટિસ્ટ શ્યામ રંગીલા આપમાં જોડાયા છે. ગુરૂવારે રાજસ્થાનના ચૂંટણી પ્રભારી વિનય મિશ્રાએ રંગીલા અને કોમેડિયન ખ્યાલીને પાર્ટીમાં સામેલ કરાવીને તેમનું સ્વાગત કર્યું હતું.
આ દરમિયાન ભાવુક થયેલા શ્યામ રંગીલાએ કહ્યું કે, તેમણે વર્ષ 2014માં મોદીજી માટે વોટ પણ માંગ્યા હતા, ત્યારબાદ તેમણે પરિવર્તન માટે વોટ માંગ્યા હતા અને હવે તેઓ આમ આદમી પાર્ટીમાં જોડાશે અને ફરીથી પરિવર્તન માટે વોટ માંગશે.
શ્યામ રંગીલાના કહેવા પ્રમાણે તેમનો પ્રોફેશન લોકોને હસાવવાનો અને ખુશ કરવાનો છે. આ કામમાં તેઓ સતત વ્યસ્ત રહે છે, પરંતુ કેટલાક લોકોએ તેને રાજકારણ સાથે જોડી દીધું છે અને તેનો ભોગ શ્યામ રંગીલાને ભોગવવું પડ્યું હતું. રંગીલાના જણાવ્યા અનુસાર વર્ષ 2017માં તેની લાફ્ટર ચેલેન્જના પ્રદર્શન પર પ્રતિબંધ મૂકવામાં આવ્યો હતો.
આમ આદમી પાર્ટીમાં સામેલ થયા બાદ શ્યામ રંગીલા થયા ભાવુક
પાર્ટીમાં સામેલ થયા બાદ શ્યામ રંગીલા થોડા ભાવુક થયા હતા. તેમણે કહ્યું કે, તેમની સાથે રાજકારણના કારણે આવું થયું છે, તેથી હવે તેઓ રાજનીતિમાં આવી ગયા છે. તેમણે દિલ્હીમાં આમ આદમી પાર્ટીનું કામ જોયું, જેનાથી તેઓ પ્રભાવિત થયા. એટલા માટે તેમણે આમ આદમી પાર્ટીને રાજકીય અખાડા માટે પસંદ કરી હતી.
ચૂંટણી લડવાનો નિર્ણય પક્ષ કરશે
શ્યામ રંગીલાના જણાવ્યા અનુસાર તેઓ ચૂંટણી લડવા કે ટિકિટ મેળવવાના હેતુથી આમ આદમી પાર્ટીમાં જોડાયા નથી. પરંતુ સમાજ સેવા અને વિકાસ એ તેમનો હેતુ છે. તેથી તે પક્ષ સાથે પરિવર્તન માટે જોડાયેલો છે. જો કે શ્યામ રંગીલાનું પણ કહેવું છે કે, જો પાર્ટી આ અંગે કોઇ આદેશ આપશે તો તે જોઇ લેશે અને ચૂંટણી લડશે. તેમણે પોતાની કલાનો નમૂનો પણ રજૂ કર્યો હતો. તેમણે રાહુલ ગાંધી અને વડા પ્રધાન નરેન્દ્ર મોદીની નકલ કરતાં વર્તમાન વધતી જતી મોંઘવારી પર વ્યંગ્યાત્મક કટાક્ષ કર્યો હતો.
Rajasthan के मशहूर हास्य कलाकार @ShyamRangeela AAP में शामिल!
श्याम रंगीला जी लोगों के उदास चेहरों पर अपने व्यंग्य से मुस्कुराहट लाते रहे हैं।
अब वो कला के साथ-साथ देश में 'काम की राजनीति' करने वाली आम आदमी पार्टी के साथ मिलकर शिक्षा और स्वास्थ्य क्रांति की अलख जगाएंगे। pic.twitter.com/4LnGIqPe00
શ્યામ રંગીલા પીએમ મોદીની મિમિક્રી કરીને ચર્ચામાં આવ્યા હતા. ગઈકાલે જ તેમણે ટ્વિટર પર એક તસવીર શેર કરી હતી અને કહ્યું હતું કે તેઓ દિલ્હીના સીએમ અરવિંદ કેજરીવાલને મળ્યા હતા અને તે પછી આજે તેમણે દિલ્હીની શાળાઓ અને મહોલ્લા ક્લિનિકની મુલાકાત લીધી હતી. ત્યારથી, તે આમ આદમી પાર્ટી સાથે જોડાશે તેવી અટકળો ચાલી રહી હતી.
મોટા માથાના રાજનેતાઓની નકલ કરવામાં છે માહેર
ઉલ્લેખનીય છે કે શ્યામ રંગીલા થોડા માથાના રાજનેતાઓની નકલ કરવામાં માહેર છે. શ્યામ રંગીલાએ પીએમ મોદી, રાહુલ ગાંધી અને ખુદ અરવિંદ કેજરીવાલની આબેહૂબ નકલ કરીને ચર્ચામાં આવ્યાં હતા.