રાજસ્થાનના 20 જિલ્લાના 90 કોર્પોરેશનની 3,334 બેઠક માટેની ચૂંટણીનું પરિણામ જાહેર થયું છે.
રાજસ્થાન સ્થાનિક ચૂંટણીમાં ભાજપને ફટકો
કોંગ્રેસના ખાતામાં આવી સૌથી વધારે બેઠક
રાજસ્થાનમાં યોજાયેલ સ્થાનિક કોર્પોરેશનની ચૂંટણીમાં ભાજપને ફટકો પડ્યો છે. જ્યારે કોંગ્રેસને સૌથી વધારે ફાયદો થયો છે. જેમાં 20 જિલ્લાના 90 એકમોની 3,334 બેઠકો માટે ચૂંટણીના પરિણામો જાહેર થયા.
આ 90 એકમોમાં ભારતીય જનતા પાર્ટીને 24 પર પૂર્ણ બહુમત મળ્યો છે, જ્યારે કોંગ્રેસને 19 કોર્પોરેશમાં પૂર્ણ બહુમતિ મળી છે. જ્યારે 5 કોર્પોરેશન પર બંને પાર્ટીઓ એક સરખી જોવા મળી છે અને અપક્ષે પૂર્ણ બહૂમત પ્રાપ્ત કર્યો છે. જેને લઇને કેટલાક કોર્પોરેશનમાં અપક્ષોની સાથે કોંગ્રેસ પોતાની બહુમતિ મેળવવાનો પ્રયત્ન કરી રહી છે.
રાજસ્થાનમાં સ્થાનિક ચૂંટણીમાં કુલ 29 લાખ મતદાતાઓ હતા. જેમાં 22 લાખ લોકોએ વોટ નાંખ્યો હતો. જેમાંથી 7,85,282 મત કોંગ્રેસને મળ્યાં, જ્યારે 7,65,363 મત ભાજપના ખાતામાં ગયા છે. જયારે 6,87,219 અપક્ષ ઉમેદવારોને મળ્યાં છે।
જો 90 કોર્પોરેશનની કુલ બેઠકોની વાત કરીએ તો 1140 બેઠક પર ભાજપ જીત્યું છે. જયારે કોંગ્રસ 1197 બેઠક પર જીત્યું છે. અપક્ષ ઉમેદવારોના ખાતામાં 693 બેઠક આવી છે. અપક્ષ ઉમેદવરોએ બે જગ્યા નોખા અને નિવાઇમાં રાષ્ટ્રવાદી કોંગ્રેસ પાર્ટીએ પોતાનું બોર્ડ બનાવ્યું છે, જ્યારે ભિંડરમાં જનતા સેનાએ પોતાનું બોર્ડ બનાવ્યું છે.
હનુમાન બેનીવાલની પાર્ટી રાષ્ટ્રિય લોકતાંત્રિક પાર્ટીને મુંડવામાં બહુમત પ્રાપ્ત કરી છે. મત ટકાવારીનું અંતર જોઇએ તો કોંગ્રેસ અડધો ટકો મતોમાં ભાજપથી આગળ છે. ભાજપના પ્રદેશ અધ્યક્ષ સતીશ પુનિયાનું કહેવું છે કે પાર્ટી આ વખતે ગત વર્ષ કરતા વધારે બેઠક જીતીને આવી છે. પુનિયાએ મુખ્યમંત્રી અશોક ગેહલોત અને પ્રભાવી અજય માકનના કોંગ્રેસની જીત પ શુભેચ્છાને મજાક ગણાવી.
થોડા દિવસ અગાઉ રાજસ્થાન ભાજપમાં ગ્રુપીજીમને લઈને થઈ રહેલા ઘમાસાણમાં નવો વળાંક આવ્યો હતો. ટીમ વસુંધરા બાદ હવે સોશિયલ મીડિયામાં ટીમ સતીશ પૂનિયાનો પત્ર વાયરલ થઈ હતો. જેમા આ વાયરલ પત્રમાં જુગલ કિશોર શર્માને આ મોર્ચાના પ્રદેશ અધ્યક્ષ ગણાવવામાં આવી રહ્યા હતા. વાયરલ પત્રમાં પ્રદેશ પ્રભારી, સચિવ, મીડિયા અને ઉપાધ્યક્ષના પદોની નિયુક્તિઓને દર્શાવવામાં આવી હતી. નિયુક્તિ પત્રમાં ભાજપના પ્રદેશ અધ્યક્ષ સતીશ પુનિયાનો ફોટો લાગેલો હતો.