અમદાવાદ / AMCનો સપાટો : રાજસ્થાન હૉસ્પિટલને ફટકાર્યો 89 લાખનો દંડ, દર્દી સાથે કર્યુ હતુ અમાનવીય વર્તન

• રાજસ્થાન હોસ્પિટલ સામે AMCની મોટી કાર્યવાહી 
• AMCએ રાજસ્થાન હોસ્પિટલને ફટકાર્યો 89 લાખનો દંડ
• બેદરકારીથી દર્દીના મોત મામલે ફટકાર્યો દંડ

ઉલ્લેખનીય છે કે, રાજસ્થાન હોસ્પિટલમાં દર્દીને એડમિટ નહીં કરાતા દર્દીનું મોત થયું હતું. આ ઘટનાને લઇને હોસ્પિટલને રૂપિયા 89 લાખનો દંડ AMC દ્વારા ફટકારવામાં આવ્યો છે. 

રાજસ્થાન હોસ્પિટલને ફટકારવામાં આવ્યો 89 લાખનો દંડ 

પ્રાપ્ત થતી જાણકારી પ્રમાણે, અમદાવાદની રાજસ્થાન હોસ્પિટલ ખાતે 18 જૂનના રોજ હરીશભાઈ કડીયા નામના દર્દીને લાવવામાં આવ્યો હતો. જો કે, સતત 40 મિનિટ સુધી હોસ્પિટલનો દરવાજો નહીં ખોલવામાં આવતા દર્દીનું સારવાર મળે તે પહેલા જ મોત થયું હતું. ત્યારે હવે આ મામલાની ગંભીરતાને ધ્યાને લઇને AMCએ હોસ્પિટલને રૂ. 25 લાખ અને સભ્ય દીઠ રૂ. 2 લાખ મળી કુલ 89 લાખનો દંડ ફટકાર્યો હતો. 

હોસ્પિટલ કોવિડના નિયમ પ્રમાણે 50% બેડ પણ નહીં ફાળવતી હોવાનું સામે આવ્યું 

સરકાર દ્વારા નક્કી કરાયેલ નિયમ પ્રમાણે હોસ્પિટલમાં કોવિડ બેડ નહીં ફાળવાતો હોવાનું પણ સામે આવ્યું હતું. તો થોડા સમયગાળા પહેલા એવી પણ ઘટના પ્રકાશમાં આવી હતી કે, AMC બેડનો લેટર લઇને પહોંચેલા એક દર્દીને હોસ્પિટલ તંત્રએ જગ્યા નહીં હોવાનું કહીને હાંકી કાઢ્યા હતા અને ત્યારબાદ ગણતરીની મિનિટોમાં દરવાજા પણ બંધ કરી દીધા હતા.  

શું હતો સમગ્ર મામલો

અમદાવાદની રાજસ્થાન હોસ્પિટલની ઘોર બેદરકારી, દર્દીને દાખલ કરવાનો ઈન્કાર કરીને 40 મિનિટ સુધી દરવાજો ન ખોલતા આખરે જીવ ગુમાવવાનો વારો આવ્યો હતો. @CMOGuj@vijayrupanibjp@drrajivguptaias @Mukeshias @dgpgujarat @ashishbhatiaips @CollectorAhd @AhmedabadPolice pic.twitter.com/r6j18ZNavP

— VTV Gujarati News and Beyond (@VtvGujarati) June 18, 2020

અમદાવાદની લાઈફકેરમાં સારવાર લઇ રહેલા દર્દીની તબિયત વધુ લથડતા તેને 18 જુનના રોજ રાજસ્થાન હોસ્પિટલમાં ખસેડવામાં આવ્યો હતો. અહીં લાવતા પહેલા હોસ્પિટલમાં વાતચીત પણ કરી હતી. તેમ છતા પણ રાજસ્થાન હોસ્પિટલમાં દર્દીને એડમિટ ન કરાયા જેથી દર્દીઓ એમ્બ્યુલન્સમાં જ દમ તોડ્યો હતો. હોસ્પિટલ દ્વારા 40 મિનિટ સુધી ગેટ ખોલવામાં આવ્યો ન હતો.