સ્કીમ / ડિલિવરી દરમિયાન પેઈન ન થાય તેથી લેબરરૂમમાં ગાયત્રી મંત્ર સંભળાવાશે

રાજસ્થાનની તમામ સરકારી હોસ્પિટલોના લેબર રૂમમાં ડિલિવરી દરમિયાન પ્રસવ પીડા ઘટાડવા માટે ગર્ભવતી મહિલાઓને ગાયત્રી મંત્ર સંભળાવાશે. આ પદ્ધતિને હિલિંગ સાઉન્ડ થેરેપી કહે છે. સ્વાસ્થ્ય વિભાગનું માનવું છે કે ડિલિવરી દરમિયાન હિલિંગ સાઉન્ડ થેરેપીથી પ્રસવ પીડા ઘટશે. તેનાથી બ્લડપ્રેશર પણ સામાન્ય રહેશે. 

સ્વાસ્થ્ય વિભાગે આ સ્કીમ શરૂ કરી છે. તેના હેઠળ મહિલા હોસ્પિટલના લેબર રૂમ, ઓપરેશન થિયેટર અને ન્યૂ બોન્ડ કેર યુનિટમાં મ્યુઝિક સિસ્ટમ લગાવાઇ છે. ત્રણેય જગ્યાએ છ સ્પીકર લગાવાયા છે. સવારે તેમાં ગાયત્રી મંત્ર ગૂંજશે. ત્યાર બાદ આખો દિવસ જૂનું સંગીત વગાડાશે. 

પ્રસૂતાઓના માનસિક તણાવને દૂર કરવા ઉપરાંત તેમનામાં સકારાત્મક ભાવના પેદા કરવા માટે તેની શરૂઆત કરાઇ છે. ગાયનેકોલોજિસ્ટ ડો. એચ.એસ. ઘાયલે જણાવ્યું કે ગર્ભાવસ્થા દરમિયાન સંગીત થેરેપી મહિલા અને બાળકો બંને માટે બહેતર છે. પ્રેગ્નન્સી દરમિયાન મહિલામાં ઘણા પ્રકારના શારીરિક અને માનસિક પરિવર્તન આવે છે. આ કારણે તેમની મનોસ્થિતિ પણ બદલાય છે. કેટલીક પ્રસૂતાઓ ચીડચીડિયો પણ થઇ જાય છે.

કેટલીક મહિલાઓ ખૂબ જ વધારે સ્ટ્રેસમાં આવી જાય છે. સંગીત સાંભળવાથી લેબર રૂમનો માહોલ સુધરશે અને પ્રસૂતાઓના માનસિક સ્તરમાં પણ સુધારો થશે. આ બિમારીનો ઇલાજ નથી, પરંતુ બીમારીની અવસ્થામાં રાહત આપવા માટે તે બેસ્ટ સાબિત થશે. તેમાં પ્રત્યેક બીમારીનું વિશ્લેષણ કરીને તે અનુસાર થેરપી આપવામાં આવે છે.