રાજસ્થાનના ભરતપુરમાં નાકાબંધી દરમિયાન પોલીસે કાર્યવાહી કરતા તસ્કરી કરવામાં આવતા દારૂના જથ્થાને ઝડપી પાડ્યો છે.
કોંગ્રેસનો કાર્યકર્તા દારૂના ગેરકાયદે જથ્થા સાથે ઝડપાતા હડકંપ
રાજસ્થાન પોલીસે કરી કાર્યવાહી
દારૂ સાથે ઝડપાયા શખ્સે પોલીસ પર જમાવ્યો રોફ
મળતી જાણકારી પ્રમાણે, આ દારૂના જથ્થા સાથે કોંગ્રેસનો કાર્યકર્તા ઝડપાયો હોવાનું સામે આવતા, રાજકારણમાં ગરમાવો ફેલાઈ ગયો હતો.
દારૂ સાથે ઝડપાયા શખ્સે પોલીસ પર જમાવ્યો રોફ
પોલીસે જ્યારે કોંગ્રેસી કાર્યકર્તાને રંગેહાથ દબોચી લીધો ત્યારે તેણએ ખૂદને ધારાસભ્યનો અંગત સચિવ ગણાવ્યો હતો અને પોલીસ કર્મચારીઓ પર રોફ જમાવવા લાગ્યો હતો. જો કે, પોલીસે તેની વાતો પર ધ્યાન નહીં આપતા ગેરકાયદે દારૂનો જથ્થો ઝડપી લીધો હતો અને કાર્યવાહી હાથ ધરી હતી.
કોંગ્રેસનો કાર્યકર્તા હોવાનું ખુલ્યું
ઉલ્લેખનીય છે કે, પોલીસે વધુ તપાસ હાથ ધરતા દારૂ સાથે ઝડપાયેલ કોંગ્રેસના કાર્યકર્તાનું નામ ગજેન્દ્ર ગુર્જર હોવાનું ખુલ્યું હતું. તે ઉમરેડ ગામનો રહેવાસી છે.
પોલીસે નાકાબંધી કરીને દારૂ ઝડપી પાડ્યો
જણાવી દઇએ કે, શુક્રવારે મોડી રાતે ભુસાવર પોલીસે નાકાંબધી કરીને તપાસ આદરી ત્યારે એક લક્ઝરી કારમાંથી 12 કાર્ટૂન ગેરકાયદે દારૂનો જથ્થો મળી આવ્યો હતો.જાણકારી પ્રમાણે, ઝડપાયેલો કાર્યકર્તા ધારાસભ્ય જોગિંદર અવાનાના સંપર્કમાં રહેતો અને તેમની સાથેનો એક ફોટોપણ વાયરલ થયો છે.
પોલીસે હાથ ધરી તપાસ
તો પોલીસે હાલ આ મામલે ફરિયાદ નોંધીને કોંગ્રેસી કાર્યકર્તા ગજેન્દ્ર ગુર્જર સામે કાયદેસરની કાર્યવાહી હાથ ધરી છે.