રાજસ્થાનના મુખ્યમંત્રી અશોક ગેહલોતનો એક વીડિયો હાલમાં સોશિયલ મીડિયા પર ખૂબ વાયરલ થઈ રહ્યો છે.
રાજસ્થાનના મુખ્યમંત્રી અશોક ગહેલોતનો વીડિયો વાયરલ થયો
જેસલમેરના મંદિરમાં દર્શન કરવા ગયા હતા મુખ્યમંત્રી
માસ્ક ઉતાર્યા વિના ચરણામૃત પી ગયા
કોરોના વાયરસ આવ્યા બાદ માસ્ક આપણા સૌની જીંદગીનો એક ભાગ બની ગયું છે. માસ્કથી કોરોના સંક્રમણને કાબૂમાં કરવામાં સફળતા મળે છે. જો કે, ઘણી વાર માસ્કના કારણે એવી ફની ઘટનાઓ સામે આવે છે કે, આપણે હસી હસીને લોટપોટ થઈ જઈએ. આવી જ એક ઘટના રાજસ્થાનના મુખ્યમંત્રી અશોક ગહેલોત સાથે થઈ ગઈ. ગહલોત એક મંદિરમાં દર્શન કરવા ગયા હતા. આ દરમિયાન તેમણે મોં પરથી માસ્ક હટાવ્યા વિના ચરણામૃત પી લીધું હતું. તેમનો આ વીડિયો હવે સોશિયલ મીડિયા પર વાયરલ થઈ રહ્યો છે. જેમાં લોકો ખૂબ મજા લઈ રહ્યા છે.
આ વીડિયો જેસલમેરમાં આવેલા પ્રસિદ્ધ રામદેવરા મંદિરનો છે. જ્યાં 2 સપ્ટેમ્બરના રોજ મુખ્યમંત્રી અશોક ગેહલોત દર્શન કરવા ગયા હતા. ચાર દિવસ જૂનો આ વીડિયો મંગળવારે સોશિયલ મીડિયા પર વાયરલ થયો હતો. લોકો તેને ખૂબ શેર કરી રહ્યા છે. મીમ્સ પણ બનાવી રહ્યા છે. કેટલાય તેને રાજનીતિના જાદૂગર કહેવાતા ગહેલોતનો વધુ એક ચમત્કાર ગણાવી રહ્યા છે.
સચિનનું નામના એક યુઝર્સે લખ્યું છે કે, અશોક ગહેલોતજી માસ્ક ઉતાર્યા વિના આપને ચરણામૃત પી લીધું. આ ક્યા પ્રકારનું મેજિક છે. શેલી માલીવાલે લખ્યુ છે કે, ગહેલોતજી જનતાને પણ આવા હાઈટેક માસ્કનો અધિકાર છે. જ્યારે અન્ય એક યુઝર્સે કમેન્ટ કરી હતી કે, રાજસ્થાનના મુખ્યમંત્રીએ માસ્ક પરથી ચરણામૃત પીને નવો રેકોર્ડ બનાવી દીધો.