જયપુરઃ રાજસ્થાનમાં વિધાનસભા ચૂંટણીને ધ્યાનમાં રાખીને ભાજપે 31 ઉમેદવારોની બીજી યાદી જાહેર કરી છે. પોતાની બીજી યાદીમાં ભાજપે 15 ધારાસભ્યો અને 3 મંત્રીઓની ટિકીટ કાપીને આ બેઠકો પર નવા ચેહરાઓને મેદાનમાં ઉતાર્યા છે. હવે તે જોવાનું રહ્યું કે જેમની ટિકીટ કપાઇ છે તેમને પાર્ટી સંતુષ્ટ કરી શકે છે કે તેઓ પાર્ટી વિરૂદ્ધ બળવાખોરી કરશે?
ઉલ્લેખનીય છે કે આ પહેલા ભાજપે 131 ઉમેદવારોની યાદી રજૂ કરી હતી. જ્યાર બાદ ટિકીટ કપાવાથી નારાજ મંત્રી સુરેન્દ્ર ગોયલે પાર્ટીને બર્બાદ કરવાની ચેતવણી આપતા પ્રાથમિક સદસ્યતાથી રાજીનામુ આપી દીધું હતું. ત્યારે મંગળવારે ભાજપને ઝટકો આપતા નાગૌરથી ધારાસભ્ય હબીબુર્હમાન પણ કોંગ્રેસમાં સામેલ થયા છે તો દૌસાથી ભાજપ સાંસદ હરીશ મીણાએ પણ કોંગ્રેસની આંગળી પકડી છે.
3 મંત્રીઓની ટિકીટ કપાઇ
પહેલી યાગીમાં પોતાની જગ્યા બનાવવામાં નિષ્ફળ રહેલા ચિકિત્સા મંત્રી કાલીચરણ સર્રાફ અને ઝોટવાડાથી ધારાસભ્ય અને ઉદ્યોગમંત્રી રાજપાલ સિંહ શેખાવતનું નામ બીજી સુચીમાં સામેલ થવાથી આ બન્ને માટે રાહતના સમાચાર છે. પરંતુ ચુરૂ જિલ્લાની રતનગઢ બેઠકથી દેવસ્થાન મંત્રી રાજકુમાર રિણવાં કપાઇ છે. રિણવાં સિવાય બૂંદીના કેશોરાયપાટનથી ધારાસભ્ય અને મંત્રી બાબૂલાલ વર્માની ટિકીટ કપાઇ અને આ બેઠકો પર કોટાથી રામગંજ મંડીથી ધારાસભ્ય ચંદ્રકાંતા મેઘવાલને ટિકીટ આપવામાં આવી છે. આ સિવાય બાંસવાડાથી ભાજપ ધારાસભ્ય અને મંત્રી ધનસિંહ રાવતની પણ ટિકીટ કપાઇ છે.