રાજસ્થાનમાં માયાવતીને મોટો ઝટકો લાગ્યો છે. બહુજન સમાજ પાર્ટી (બસપા)ના તમામ છ ધારાસભ્યો સોમવારે કોંગ્રેસમાં જોડાઇ ગયા છે. અત્યાર સુધી આ ધારસભ્યો પ્રદેશ સરકારને બહારથી સમર્થન આપતા હતા. મુખ્યમંત્રી અશોક ગહેલોતે જણાવ્યું કે અમે આ રાજ્યના હિતને લઇને નિર્ણય લીધો છે. બસપા ધારાસભ્યોએ સોમવારે મોડી રાતે કોંગ્રેસનું સભ્યપદ લીધું. ગઇરાત્રે 10.30 કલાકે બધા ધારાસભ્યો વિધાનસભા પહોંચ્યાં હતા.
બસપાના 6 ધારાસભ્યો કોંગ્રેસમાં સામેલ
સરકાર હવે બહુમતિથી 6 ધારાસભ્ય વધુ થઇ
અત્યાર સુધી કોંગ્રેસની સરકારને બહારથી આપતાં હતા સમર્થન
આ ધારાસભ્યો કોંગ્રેસમાં સામેલ થયા
બસપાના 6 ધારાસભ્યો કોંગ્રેસમાં જોડાયા છે. જેમાં રાજેન્દ્ર ગુઢા (ધારાસભ્ય, ઉદયપુરવાટી), જોગેન્દ્રસિંહ અવાના (ધારાસભ્ય, નદબઇ), વાજિબ અલી (ધારાસભ્ય, નગર) લાખન સિંહ મીણા (ધારાસભ્ય, કરોલી), સંદીપ યાદવ (ધારાસભ્ય, તિજારા) અને દીપચંદ ખેરીયાએ કોંગ્રેસનું સભ્યપદ લીધું.
કોંગ્રેસની સરકાર બહુમતિથી 6 ધારાસભ્ય વધુ થઇ
રાજસ્થાનની અશોક ગહેલોતની સરકાર પાસે હવે બહુમતિથી 6 ધારસભ્યો વધુ થઇ ગયા છે. જેને લઇને મુખ્યમંત્રી ગહેલોતે કહ્યું કે અમે રાજ્યના હિતમાં આ નિર્ણય લીધો છે.
કોંગ્રેસની સરકારને આપતાં હતા બહારથી સમર્થન
બહુજન સમાજ પાર્ટીના ધારાસભ્યો રાજસ્થાનની કોંગ્રેસ સરકારને અત્યાર સુધી બહારથી સમર્થન આપતાં હતાં. આ વખતે વિધાનસભાની ચૂંટણીમાં કોંગ્રેસને બહુમતિ મળી નહોતી. કોંગ્રેસ 200 વિધાનસભા બેઠકોમાં 99 બેઠક પર જીત મેળવી હતી.
પરંતુ પેટા ચૂંટણીમાં એક જીત મેળવતા આ આંકડો 100 પર પહોંચ્યો હતો. જો કે અત્યાર સુધી કોંગ્રેસની રાજ્ય સરકાર પર બહુમતિને લઇને મુશ્કેલી જોવા મળતી હતી, જો કે હવે બીએસપીના 6 ધારસભ્યો કોંગ્રેસમાં જોડાતાં હવે અશોક ગહેલોતની સરકાર રાજસ્થાનમાં મજબૂત સ્થિતિમાં આવી ગઇ છે.