રાજસ્થાનના દૌસામાં 21 દિવસમાં 18 વર્ષથી નાના 341 બાળકો કોરોનાની ઝપેટમાં આવ્યા છે. આ કોરોનાની ત્રીજી લહેરની દસ્તક હોવાનું અનુમાન કરવાની સાથે જિલ્લા પ્રશાસન એલર્ટ બન્યું છે.
રાજસ્થાનના દૌસામાં કોરોનાની ત્રીજી લહેરની દસ્તક
21 દિવસમાં 18 વર્ષથી નાના 341 બાળકો થયા કોરોના પોઝિટિવ
જિલ્લા પ્રશાસન થયું એલર્ટ
કોરોનાની ત્રીજી લહેર બાળકો માટે રહેશે ખતરનાક
કોરોનાની બીજી લહેરનો કહેર અટકવાનું નામ લઈ રહ્યો નથી ત્યાં કોરોનાની ત્રીજી લહેરની દસ્તકથી લોકોમાં હાહાકાર મચ્યો છે. હાલમાં રાજસ્થાનના દૌસામાં કોરોનાની ત્રીજી લહેરની આશંકા જોવા મળતાં જિલ્લા પ્રશાસન એલર્ટ પર છે. અહીં 21 દિવસમાં 341 બાળકોમાં કોરોના પોઝિટિવ આવ્યો છે.
દૌસામાં કોરોનાની ત્રીજી લહેરના મળી રહ્યા છે સંકેત
દૌસામાં કોરોનાની લહેર બાળકોને સંક્રમતિ કરી રહી હોવાના કારણે અહીં ત્રીજી લહેરની દસ્તક શરૂ થયું હોવાનું માનવામાં આવી રહ્યું છે. અહીં 341 બાળકોને કોરોના થયો છે જેમની ઉંમર 0-18 વર્ષની છે. 1-21 મે સુધીના 21 દિવસમાં 341 બાળકોને કોરોના થયો છે. આ ત્રીજી લહેર હોવાની શક્યતા રાખીને જિલ્લા હોસ્પિટલોને પણ એલર્ટ અપાયું છે.
રાજસ્થાન સરકારે શરૂ કરી તૈયારી
રાજસ્થાન સરકાર યુદ્ધના ધોરણે તૈયારી કરી રહી છે. સ્વાસ્થ્ય વિભાગી ટીમ ગામે ગામ ડોર ટૂ ડોર કોરોના ટેસ્ટ કરશે અને ગામમાં કોવિડ સેન્ટર પણ બનશે. પોઝિટિવ દર્દીની સારવાર જલ્દી શરૂ કરાશે.
કોરોનાની ત્રીજી લહેર બાળકો માટે હશે ખતરનાક
ત્રીજી લહેર આવતા પહેલા બાળકોમાં કોરોનાના કેસ ઝડપથી વદી રહ્યા છે. મહારાષ્ટ્ર, કર્ણાટક જેવા રાજ્યોમાં બાળકોમાં સંક્રમણ ઝડપથી ફેલાઈ રહ્યું છે. ત્રીજી લહેરમાં બાળકો સૌથી વધુ કોરોના પોઝિટિવ હોવાની આશંકા છે. દૌસામાં 21 દિવસમાં 341 બાળકો પોઝિટિવ આવતા મુશ્કેલી વધી છે.
હેલ્થ એક્સપર્ટનું માનીએ તો વધારે બાળકો કોરોનાથી પ્રભાવિત છે. તેમાં સામાન્ય રીતે સામાન્ય તાવ, ખાંસી, શ્વાસ લેવામાં તકલીફ, ડાયરિયા, ખાવામાં સ્વાદ ન આવવો, સૂંઘવાની ક્ષમતા ઘટવી, થાક લાગવો અને ગળામાં ખરાશ, માંસપેશીમાં દર્દ અને નાક વહેવાના લક્ષણો સામેલ છે.