રાજસ્થાનના બીકાનેર જિલ્લાની પાસે શ્રી ડુંગરપઢમાં નેશનલ હાઈવે 11 પર ટ્રક અને બસનો અકસ્માત થયો છે. આ ઘટનામાં 10 લોકોના મોત થયા છે અને 20-25 લોકો ઘાયલ થયા છે. ઈજાગ્રસ્તોને પાસેની હોસ્પિટલમાં સારવાર માટે ખસેડવામાં આવ્યા છે.
રાજસ્થાનના બીકાનેર પાસે ગમખ્વાર અકસ્માત
નેશનલ હાઈવે 11 પર ટ્રક અને બસનો અકસ્માત
10 લોકોના મોત થયા છે અને 20-25 લોકો ઈજાગ્રસ્ત
Rajasthan: 10 people killed, 20-25 injured in collision between a bus and truck on National Highway 11 near Shri Dungargarh in Bikaner district pic.twitter.com/Pcfc42xdix
મળતી માહિતી અનુસાર બસ બીકાનેરથી જયપુર જઈ રહી હતી. અકસ્માત બાદ તેમાં આગ લાગી હતી. ઘટનાસ્થળ પર હાજર વરિષ્ઠ પોલીસ અધિકારીએ જણાવ્યું કે સવારે સાડા સાત વાગ્યે બીકાનેર જયપુર રાજમાર્ગ પર જોધાસર અને સેરૂણા ગામની વચ્ચે આ બનાવ બન્યો હતો. યાત્રીઓથી ભરેલી બસ ટ્રક સાથે અથડાઈ ગઈ હતી અને તેમાં 10 લોકોના મોત થયા હતા. ઈજાગ્રસ્તોને પાસેની હોસ્પિટલમાં લઈ જવામાં આવ્યા હતા.
ઘટનાની જાણકારી મળ્યા બાદ તંત્ર ઘટનાસ્થળે પહોંચી ગયું હતું. અહીં ક્રેનથી બસ અને ટ્રકને હટાવવાનું કામ પણ હાલમાં ચાલી રહ્યું છે.