અમદાવાદ / બુટલેગરોની રાજસ્થાનથી દારૂ ઘુસાડવાની આ ટેકનિક જોઈ ચોંકી જશો, આવી રીતે ચાલે છે સ્કેન્ડલ

જેના કારણે હવે બુટલેગરો અને તેમના સાગરીતો પણ પોલીસની કામગીરીથી સર્તક થઇ ગયા છે અને અવનવા કીમિયા દારૂ લાવવા માટે અપનાવી રહ્યા છે. ક્રાઇમ બ્રાંચની ટીમે આવી જ એક ટેકનિકનો પર્દાફાશ કર્યો છે.

જેમાં બુટલેગર રાજસ્થાનથી પાણીની બોટલ અને કેરબામાં દારૂ ભરીને લાવ્યો હતો. ક્રાઇમ બ્રાંચે ગોતા બ્રિજ પાસેથી એક શખ્સની ૩૬ લિટર વોડકા દારૂના જથ્થા સાથે ધરપકડ કરી છે. 

શહેર ક્રાઇમ બ્રાંચની ટીમને બાતમી મળી હતી કે ગોતા બ્રિજ પાસે આવેલા શંકુ પાર્ટી પ્લોટ પાસે એક શખ્સ નેનો કારમાં દારૂની હેરાફેરી કરી રહ્યો છે. બાતમીના આધારે પોલીસે વોચ ગોઠવી હતી. જેમાં એક નેનો કાર આવતાં જ તેને રોકી હતી. આરોપીએ પોલીસને શંકા ન જાય અને તે પકડાય નહીં તે માટે પાણીની બોટલમાં દારૂ ભરીને હેરાફેરી કરતો હતો. પોલીસે કાર રોકીને તપાસ કરી તો ૨૦ લિટરની પાણીની બોટલો હતી. જેમાં વોડકા દારૂ ભર્યો હતો. ક્રાઇમ બ્રાંચે દરિયાપુરના ધર્મેન્દ્ર ઉર્ફે પપ્પુ પટેલની ધરપકડ કરી હતી.

પોલીસે ધર્મન્દ્રની ક્રાઇમ બ્રાંચ લઇ જઇને પૂછપરછ કરતાં તેણે કબૂલાત કરી હતી કે આ ઓરેન્જ ફ્લેવરની વોડકાનો ૩૬ લિટરનો જથ્થો તેણે આબુરોડ પરથી અલગ અલગ દુકાન પરથી લીધો હતો.

કોઇને શંકા ના જાય તે માટે પાણી ખાલી બોટલમાં વોડકા ભરી દીધો હતો અને તેને સીલપેક કરી દીધો હતો. પોલીસ પાણીની બોટલ અને પાણીના કેરબામાં માથી દારૂ મળ્યો છે. આ દારૂ અમદાવાદમાં કોઇ છૂટક માગણી કરે તો તેને આપવાનો હતો. વોડકા પાણીની જેમ દેખાતો હોવાથી ધર્મેન્દ્રએ આ મોડસ ઓપરેન્ડીનો ઉપયોગ કર્યો હતો.