પોર્નોગ્રાફી કેસમાં અભિનેત્રી શિલ્પા શેટ્ટીના પતિ રાજ કુન્દ્રાનું કાનપુર બાદ હવે લખનઉ કનેક્શન પણ સામે આવ્યું છે.
શિલ્પા અને રાજની એક પછી એક મુશ્કેલીઓ વધી રહી છે
કાનપુર બાદ હવે રાજનું લખનઉ કનેક્શન સામે આવ્યું
શિલ્પા શેટ્ટી પતિને સપોર્ટ કરી રહી છે
પોર્નોગ્રાફી કેસમાં રાજ કુન્દ્રાનું કાનપૂર બાદ હવે લખનઉ કનેક્શન બહાર આવ્યું છે. કુન્દ્રાના કાળા કારોબાર સાથે જોડાયેલી એક વેબસાઇટ જેનું રજિસ્ટ્રેશન અમેરિકામાં થયું હતું અને આ વેબસાઇટનું લખનઉમાંથી સંચાલન થતું હતું.
મુંબઇ ક્રાઇમ બ્રાન્ચની ટીમ આ અંગે તપાસ કરી રહી છે. આ અંગે પુરાવા મળ્યા બાદ વેબસાઇટ સાથે જોડાયેલા તમામ લોકો સામે કાર્યવાહી કરવામાં આવશે. મળતી માહિતી પ્રમાણે લખનઉમાં કુન્દ્રા સાથે જોડાયેલા બેંક ખાતાની પણ ખબર મળી છે. જેમાં દરરોજ લાખો રૂપિયાની લેણદેણ થતી હતી.
પોલીસ સૂત્રોએ એવો પણ દાવો કર્યો છે કે લખનઉમાં રાજ સાથે જોડાયેલા બેંક ખાતાની પણ ખબર પડી છે. જ્યારે રાજ કુન્દ્રાના લખનઉ કનેક્શન વિશે પૂછવામાં આવ્યું ત્યારે લખનઉના પોલીસ કમિશનર ડી કે ઠાકુરે કહ્યું કે આ બાબત તેમના ધ્યાનમાં આવી નથી અને મુંબઈ પોલીસે હજી સુધી તેમનો સંપર્ક કર્યો નથી.
તમને જણાવી દઈએ કે, શિલ્પા શેટ્ટી તેના પતિ રાજ કુંદ્રાની ધરપકડ બાદથી સતત ચર્ચામાં છે અને લોકો તેને ખૂબ ટ્રોલ પણ કરી રહ્યાં છે. જોકે, શિલ્પા પતિ રાજનો સપોર્ટ કરતા પણ જોવા મળી રહી છે. રાજની પોર્નોગ્રાફી કન્ટેન્ટ બનાવવા અને પ્રકાશિત કરવા બદલ ધરપકડ કરવામાં આવી છે. હાલમાં રાજ કુન્દ્રા 14 દિવસ માટે ન્યાયિક કસ્ટડીમાં છે.