બોલિવૂડ / પોર્ન કાંડ: કુન્દ્રાના ઘરમાંથી જ ખુલ્યો 'રાઝ', તપાસ દરમિયાન મળ્યું એવું કે મચ્યો હડકંપ

• રાજ કુંદ્રા કેસમાં વધુ એક મોટી અપડેટ
• રોજ થઈ રહ્યાં છે નવા નવા ખુલાસા
• હવે કુંદ્રા ઘરમાંથી ખુલ્યો રાઝ

 
અશ્લીલ ફિલ્મોના કથિત નિર્માણ અને અમુક એપ્સ દ્વારા તેને પ્રસારિત કરવાના સંદર્ભમાં મુંબઈ પોલીસે ફરીથી રાજ કુંદ્રાની ઓફિસની તપાસ કરી હતી. શનિવારે કરવામાં આવેલી આ તપાસમાં એક હિડન લોકર મળી આવ્યું છે. જેમાં ઘણાં બધાં ડોક્યૂમેન્ટ્સ હતા, પોલીસે તેને જપ્ત કરી લીધા છે. તમને જણાવી દઈએ કે, મજિસ્ટ્રેટ કોર્ટે શુક્રવારે કુંદ્રાની પોલીસ કસ્ટડીમાં 27 જુલાઈ સુધી વધારી દીધી હતી. 

 

 

 

 

View this post on Instagram

 

 

 

 

 

 

 

 

 

 

 

A post shared by Shilpa Shetty Kundra (@theshilpashetty)

મુંબઈ પોલીસે ક્રાઈમ બ્રાન્ચે શનિવારે અંધેરી વેસ્ટમાં સ્થિત રાજની ઓફિસ વિયાન કંપનીની ફરી તપાસ કરી હતી. અહીં પોલીસે એક લોકર જપ્ત કર્યું. એવું કહેવાય છે કે આ લોકરને છુપાઈને રાખવામાં આવ્યું હતું. તેમાં બિઝનેસ, ક્રિપ્ટોકરન્સી સહિતના ડોક્યૂમેન્ટ્સ મળી આવ્યા છે. હાલ ક્રાઈમ બ્રાન્ચ તેની તપાસ કરી રહી છે. 

શિલ્પા શેટ્ટી સાથે વાતચીત બાદ ક્રાઈમ બ્રાન્ચ આ મામલાને આર્થિક ગરબડના એન્ગલથી પણ તપાસ કરી રહી છે. એવી શંકા છે કે રાજે કથિત પોર્ન મૂવીઝ બનાવીને ખૂબ રૂપિયા કમાયા, જેને ક્રિકેટ બેટિંગ અને ક્રિપ્ટોકરન્સીમાં લગાવી દીધા. 

19 જુલાઈએ રાજ કુંદ્રાની ધરપકડ

19 જુલાઈના રોજ મુંબઈ પોલીસની ક્રાઇમ બ્રાંચે રાજ કુંદ્રાને પૂછપરછ માટે બોલાવ્યો હતો. રાતના 9 વાગે રાજ ભાયખલા ઓફિસ ગયો હતો અને બે કલાકની પૂછપરછ બાદ તેની ધરપકડ કરવામાં આવી હતી. અગાઉ તેની સામે ભારતીય દંડ સંહિતા અને માહિતી ટેકનોલોજી અધિનિયમની સંબંધિત કલમો હેઠળ કેસ નોંધવામાં આવ્યો હતો.

પોલીસે જણાવ્યા અનુસાર, 45 વર્ષીય બિઝનેસમેન અશ્લીલ સામગ્રીના નિર્માણ અને વેચાણની ગેરકાયદેસર પ્રવૃત્તિથી નાણાકીય લાભ મેળવતો હતો. પોલીસે કુંદ્રાનો મોબાઇલ જપ્ત કરી લીધો છે અને તપાસ તાલી રહી છે. કુંદ્રા સિવાય પોલીસે અન્ય આરોપી રયાન થોરપેને પણ કોર્ટમાં હાજર કર્યા. કોર્ટે તેમની પણ કસ્ટડીમાં 27 જુલાઈ સુધી વધારી દીધી.