અશ્લીલ ફિલ્મો બનાવવા અને તેને મોબાઇલ ઍપ પર સ્ટ્રીમ કરવાના આરોપમાં બિઝનેસમેન રાજ કુન્દ્રાને 27 જુલાઇ સુધી જેલમાં રહેવું પડશે. કોર્ટે કુન્દ્રાની પોલીસ કસ્ટડી વધારી દીધી છે.
રાજ કુન્દ્રાની વધી મુશ્કેલીઓ
27 જુલાઇ સુધી પોલીસ કસ્ટડીમાં
પૂછપરછમાં કુન્દ્રાનો સહયોગ નહી
મુંબઇ પોલીસની ક્રાઇમ બ્રાંચે 19 જુલાઇએ રાજ કુન્દ્રાની ધરપકડ કરી હતી અને તેને 23 જુલાઇ સુધી પોલીસ કસ્ટડીમાં રાખવાના આદેશ આપ્યા હતા પરંતુ હવે તેની મુશ્કેલીઓ વધી છે અને 27 જુલાઇ સુધી તેણે પોલીસ કસ્ટડીમાં રહેવું પડશે.
સહયોગ નથી કરી રહ્યો કુન્દ્રા
પોલીસે જણાવ્યું કે રાજ કુન્દ્રા વિરુદ્ધ તેમની પાસે પુરતા પુરાવા છે પરંતુ આ આરોપોથી ઇન્કાર કરી રહ્યો છે અને પોલીસને પૂછપરછમાં પણ સહયોગ નથી કરી રહ્યો. પોલીસે કુન્દ્રા અને રયાન થોર્પેને કોર્ટમાં રજૂ કર્યા અને 7 દિવસ કસ્ટડીની માગ કરી હતી.
સટ્ટામાં પૈસાનો ઉપયોગ થવાની શંકા
પોલીસે કોર્ટમાં કહ્યું કે પોર્નોગ્રાફીથી કમાયેલા રૂપિયા ઓનલાઇન સટ્ટાબાજીમાં લગાવવામાં આવતા હતા તેવી શંકા છે. આ જ કારણ છે કે રાજ કુન્દ્રાના યસ બેન્કના ખાતા અને યુનાઇટેડ બેન્ક ઓફ આફ્રીકાના ખાતા વચ્ચેની તપાસ જરૂરી છે.
રાજના કારણે શિલ્પાનું કરિયર ડામાડોળ
સોની ટીવીનો સુપરહીટ શો સુપર ડાન્સર 4માં જજ તરીકે શિલ્પા ઘણા સમયથી કાર્યરત છે અને રાજકુન્દ્રાની ધરપકડ બાદ મેકર્સે શિલ્પાની જગ્યાએ કરિશ્મા કપૂરને શો પર બોલાવી હતી. કરિશ્માની તસવીર શોના સેટ પરથી વાયરલ થઇ રહી છે અને હવે લોકો ક્યાસ લગાવી રહ્યાં છે કે શિલ્પાનું પત્તુ કરિશ્માએ કાપી નાંખ્યું છે.
શું છે સત્ય
મળતી માહીતી અનુસાર, સુપર ડાન્સરમાંથી મેકર્સ શિલ્પાને બહાર કરવાનું નથી વિચારી રહ્યા પરંતુ કરિશ્માને સ્પેશ્યલ શો માટે ગેસ્ટ જજ તરીકે બોલાવવામાં આવી છે. શિલ્પા જલ્દી જ સુપર ડાન્સરના સેટ પર પહોંચશે.